Stali viadomyja piać novych proźviščaŭ palitviaźniaŭ, što vyjšli na volu
Razmova pra palitviaźniaŭ, jakija vyjšli na volu dva tydni tamu, 7 listapada. Siarod ich — Alaŭcina Hudkova, Andrej Karaloŭ, Illa Tałstoŭ, Siarhiej Čyž i Siarhiej Iljin.
Ich imiony ŭ efiry dziaržTB ahučyŭ Juryj Vaskrasienski.
Alaŭcina Hudkova była zatrymanaja viasnoj 2024 hoda. Jana atrymała hod kałonii pavodle «narodnaha» artykuła za ŭdzieł u akcyi pratestu 10 žniŭnia 2020 hoda ŭ Breście (č.1 art. 342 KK).
Andrej Karaloŭ u červieni 2024 hoda atrymaŭ dva hady kałonii za «paklop na Łukašenku».
Illa Tałstoŭ 17 studzienia 2024 hoda byŭ prysudžany da pazbaŭleńnia voli pa «narodnym» artykule za ŭdzieł u pratestach (č.1 art. 342 KK). Termin pravaabaroncam byŭ nieviadomy.
Siarhiej Čyž 26 lutaha 2024 hoda byŭ asudžany pavodle č.2 art. 367 KK za «paklop na Łukašenku». Jon atrymaŭ try hady «chimii» z nakiravańniem. Sudzili Siarhieja razam ź jaho žonkaj Taćcianaj: jana atrymała chatniuju «chimiju».
Siarhiej Iljin 4 studzienia 2024 hoda byŭ prysudžany da pazbaŭleńnia voli za «paklop na Łukašenku». Termin nieviadomy.
Vaskrasienski dadaŭ, što da Novaha hoda hramadskaja kamisija pa viartańni, jakoj ciapier dazvolili zajmacca i pamiłavańniem, razhledzić jašče častku zvarotaŭ ad palitviaźniaŭ.
Usiaho ź lipienia pa pamiłavańni na volu vyjšli 178 čałaviek, asudžanych pa palityčnych matyvach.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1919
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?19
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary