Chto toj sabaka, što biehaŭ pa viaršyni piramidy Chieopsa i prasłaviŭsia na ŭvieś śviet?
Videa z sabakam, jaki biasstrašna paluje na ptušak na samaj vialikaj piramidzie ŭ Hizie, miesiac nazad ablacieła ŭvieś śviet. Što viadoma pra chvastataha hieroja?
Jak piša The New York Times, sabaku, jaki staŭ zorkaj instahrama, paznali suzasnavalniki amierykanskaha Kairskaha fonda vyratavańnia žyvioł Mišel Braŭn i Ibrahim Elbiendary. Fond maje svoj prytułak i vieterynarnuju kliniku dla žyvioł.
Mužčyna raskazaŭ žurnalistam, što sabaku dali mianušku Apałon. Jon razam z vaśmiu bratami i siostrami, a taksama maci žyvie ŭ vakolicach Vialikich piramid. Vyvadak, jak praviła, raźbivaje svoj łahier la paŭnočna-zachodniaha kuta piramidy Chiefrena. Akramia siamji Apałona, u vakolicach piramid u Hizie naličvajecca kala tuzina inšych.
Usie sabaki svabodna pieramiaščajucca pa terytoryi kompleksu. Jak śćviardžaje Elbiendary, na praciahu apošnich troch hadoŭ ich fond zabiaśpiečvaje žyvioł vadoj i ježaj, a taksama akazvaje miedycynskuju dapamohu. Amal kožny sabaka vakcynavany, kastryravany ci sterylizavany. Što nie skažaš pra Apałona.
«Kožny raz, jak my sprabujem złavić jaho, jon uciakaje prosta na viaršyniu piramidy», — skardzicca Elbiendary.
Jak raskazała žurnalistam Mišel Braŭn, za hady isnavańnia ich arhanizacyja znajšła prytułak dla 266 sabak u roznych krainach Jeŭropy i Paŭnočnaj Amieryki. Paśla źjaŭleńnia videa z Apałonam z roznych kutkoŭ płaniety pajšli zapyty na jaho. Ale supracoŭniki fondu ŭsim admovili.
«Piramidy — heta dom Apałona, i zrabić jaho chatnim hadavancam było b vielmi niespraviadliva», — zajaviła vydańniu Braŭn i dadała, što kali chto choča atrymać sabaku z vakolic piramid, to jany ź lohkaściu mohuć adpravić ščaniuka, jaki budzie rady kłopatu i lubovi.
Ciapier čytajuć
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała43
Kamientary