Katalickaha śviatara z Vałožyna abvinavacili pa niekalkich artykułach Kryminalnaha kodeksa.
Sud pryznaŭ jaho vinavatym i vynies prysud — 11 hadoŭ pazbaŭleńnia voli ŭ kałonii ŭzmocnienaha režymu, paviedamlaje katolik.life.
Katalickamu śviataru Hienrychu Akałatoviču 64 hady. Apošnim časam słužyŭ u katalickim chramie śviatoha Jazepa ŭ Vałožynie. Jaho zatrymali hod tamu, 17 listapada 2023 hoda.
Akałatovič raniej pieranios infarkt i chvareŭ na ankałohiju, tamu niezadoŭha pierad zatrymańniem jamu praviali apieracyju na straŭniku.
Vierniki raniej paviedamlali partału katolik.life, što Akałatoviča vinavacili ŭ tym, što jon kamuści vydaŭ niejkuju tajamnicu. Viadoma taksama, što abjom škody, jaki vystavili śviataru, nibyta siahaje miljona dalaraŭ. Pisali i pra toje, što kanfiskavali nie tolki asabistyja hrošy śviatara, ale i hrošy parafii.
Sudzić jaho mieŭsia Uładzimir Areška. Heta toj ža sudździa, što prysudziŭ 8 hadoŭ Eduardu Babaryku, vielizarnyja terminy fihurantam spravy pra «zachop ułady» (Kastusioŭ, Fiaduta, Ziańkovič), šeść hadoŭ za danaty maładziečancu Alaksandru Vierasoviču.
-
Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
-
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn
-
Łukašenka ŭviazaŭ vyzvaleńnie palitviaźniaŭ z adkryćciom amierykanskaha pasolstva i finansavymi pytańniami
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
Ale pajaśnicie (chacia b samym sabie), jakim bokam vy źbirajeciesia pradać na Zachad niejkaje padabienstva "libieralizacyi", "viartańnia da narmalnaści" dla pačatku dyjałohu, skasavańnia sankcyj? Čaho emisaraŭ typu Mieljancova, Dźmitryjeva adpraŭlali pa jeŭropach? Kab potym voś tak abas.ca? Zdavałasia, nielha ž być takimi kretynami! Nie, tolki zdavałasia. Hety "prysud" - udar dla ŭsioj chryścijanskaj supolnaści Biełarusi (ja pravasłaŭny) i hańba dla Vatykana, što svaimi pacałunkami ŭ dziasny z režymam jany daviali da takich nastupstvaŭ.
Piaty hod idzie, a takija naviny dahetul ciažka čytać i niejak układvać nastolki žorstki treš u hałavie. Ščyra zyču tryvałaści i mocy siamji!
Ułada schapiła zakładnika, jen nie sam pa siebie, a jeść častkaj mahutnaj upłyvovaj dy bahataj supolnasci. Tamu vykup za jaho musi być vialiki. Prysud heta taja cana, jakuju ułada moža adkryta abviascić, zaraz jana budzie čakać na prapazycyi.
My nie samotny.