U vydaviectvie «Januškievič» vyjšła kniha, jakaja pieramahła ŭ konkursie rukapisaŭ «Šufladka» — «Zabojstva na vulicy Makajonka» aŭtarstva Kloka Štučnaha.
«U zadušlivym, prycisnutym represijami Miensku ŭzoru 2022 hodu, z pustymi afišnymi tumbami i poŭnymi aŭtazakami, zakrytuju supołku — Hildyju haradskich varjataŭ — ablacieła žudasnaja navina: za vakzałam dziciačaj čyhunki piakielnym miechanizmam zadušanaja Žanna Tancen, bahiemny matylok i ŭdzielnica masavych manifiestacyj časoŭ revalucyi 2020-ha. Złamysnaja siła nieviadomaha pachodžańnia padbirajecca taksama da inšaj haradskoj lehiendy — vuličnaj śpiavački Kamaroŭskaj Prymadonny.
Mienskaja milicyja, zaniataja palavańniem na palityčnych, zdaje zahadkavaje zabojstva ŭ archiŭ. Za spravu biarecca mienski kłan Piśmiennych — sumnieŭny ranćje i bieznadziejny chałaściak Jakub Piśmienny, jaho pranyrlivy kansiljery Arkadź Tabibułajeŭ, a taksama jaho miortvaja babka Chania Piśmiennaja, jakaja pry žyćci była impresarya ci nie ŭsich haradskich varjataŭ», — napisana ŭ anatacyi da hetaj knihi.
Nabyć knihu možna praz sajty Knihauka.com i Allegro.pl.
Konkurs rukapisaŭ «Šufladka» pravodzicca kamandaj fiestyvala intelektualnaj knihi «Pradmova». Na razhlad prymajucca rukapisy ŭ troch katehoryjach: «Dziciačaja i padletkavaja kniha», «Non-fikš i dakumientalnaja proza» i «Masavyja žanry». Pryz dla pieramožcaŭ — padtrymka vydańnia papiarovaj knihi.
Kniha Kloka Štučnaha (psieŭdanim Aliny B. Karpovič) letaś pieramahła ŭ treciaj ź pieraličanych katehoryj — «Masavyja žanry».
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4949
Kamientary
Sučasnaje hieta, vynikam čaho praz hady budzie taja złačynnaść, užo surjozna.
I kazali, što čyhunka pieršapačatkova była nie dla dziaciej, a źviazvała z rajonam dačy Canavy. Spraŭdzić toje zaraz biez archivaŭ niemahčyma.
Takija asacyjacyi adrazu ad nazvy i vokładki.