Ministerstva infarmacyi zabaraniła pradavać knihi Čaka Pałaniuka, En Epłbaŭm i Chańji Janahichary
Ministerstva infarmacyi Biełarusi dadało jašče 30 knih u śpis zabaronienych da raspaŭsiudžvańnia ŭ Biełarusi drukavanych vydańniaŭ. Pavodle mierkavańnia viedamstva, «hetyja knihi zdolnyja nanieści škodu nacyjanalnym intaresam».
Siarod zabaronienych vydańniaŭ — raman amierykanskaha piśmieńnika Čaka Pałaniuka «Kałychanka», a taksama «HUŁAH» En Epłbaŭm, «Maleńkaje žyćcio», «Da samaha raju» Chańji Janahichary i inšyja, piša «Radyjo Svaboda».
Čak Pałaniuk najbolš viadomy jak aŭtar adznačanaj šmatlikimi premijami knihi «Bajcoŭski kłub», pa jakoj u 1999 hodzie Devidam Finčeram byŭ źniaty adnajmienny film. U 2018 hodzie ŭ biełaruskaj vydavieckaj sieryi «Amierykanka» vyjšaŭ pierakład na biełaruskuju movu «Bajcoŭskaha kłuba» Čaka Pałaniuka. Tvor pierakłaŭ Siaržuk Miadźviedzieŭ, jaki za hety pierakład u 2014 hodzie atrymaŭ premiju «Debiut» imia Maksima Bahdanoviča.
Viadomaja amierykanskaja žurnalistka, piśmieńnica, daśledčyca En Epłbaŭm źjaŭlajecca stałaju aŭtarkaju časopisa Atlantic i napisała niekalki knih na temu złačynstvaŭ tatalitarnych režymaŭ: «Čyrvony hoład: vajna Stalina suprać Ukrainy», «Žaleznaja zasłona: Razhrom Uschodniaj Jeŭropy 1944—1956 hh.» i «HUŁAH» dy inšyja.
Chańja Janahichara — amierykanskaja piśmieńnica, najbolš viadomaja svaim ramanam-biestseleram «Maleńkaje žyćcio», jaki ŭvajšoŭ u šort-list Bukieraŭskaj premii 2015 hoda.
Astatnija 26 knih, dadadzienych u śpis Ministerstva infarmacyi, naležać małaviadomym zamiežnym piśmieńnikam. Śpis całkam ciapier uklučaje 65 pazicyj.
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos25
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5353
Kamientary