Sinoptyk Dźmitryj Rabaŭ raskazaŭ na ANT, jakim budzie nadvorje ŭ Biełarusi na tydni z 10 pa 16 lutaha.
Z pačatku tydnia nadvorje budzie zaležać ad antycykłonu skandynaŭskaha pachodžańnia. Tamu budzie marozna i biez apadkaŭ.
Pa načach i ranicaj miescami mahčymy słabyja tumany, miescami na darohach — hałalodzica. Tempieratura nočču budzie ad -6 hradusaŭ pa zachadzie da -12 marozu pa ŭschodzie krainy. Dniom u paniadziełak i aŭtorak budzie kala nula.
U siaredzinie tydnia na nadvorje ŭ Biełarusi budzie ŭpłyvać vobłaść vysokaha atmaśfiernaha cisku. Viecier budzie paŭnočnym umieranaj chutkaści. Miescami słaby hałalod. U načny čas u sieradu, 12 lutaha, tempieratura nočču ad -1 marozu da -7 hradusaŭ, a dniom pavietra prahrejecca da +2 hradusaŭ.
Papiarednie, druhaja pałova nastupnaha tydnia nie abiacaje siurpryzaŭ nadvorja. Apadki małavierahodnyja, viecier — roznych kirunkaŭ, umieranaj chutkaści. U načny čas tempieratura budzie apuskacca ad 0 da -6 marozu. Dniom u čaćvier paciapleje da +3 hradusaŭ, u piatnicu — prykładna nul hradusaŭ.
U vychodnyja, 15-16 lutaha, u Biełarusi nadvorje pačnie mianiacca, mahčymy nievialiki śnieh. Nočču tempieratura budzie ad 0 da -5 marozu, dniom u subotu i niadzielu — «kala nula».
Ciapier čytajuć
Dzie była źnikłaja Jana ŭ svoj apošni dzień i dzie jaje znajšli KARTA1
Kamientary