Пасля размовы Трампа з Пуціным еўрапейскія палітыкі выступілі з агульнай заявай па Украіне
Міністры замежных спраў еўрапейскіх краін выступілі з агульнай заявай па Украіне, дзе падкрэслілі неабходнасць удзела Украіны ў любых перамовах наконт вайны. Тэкст апублікаваў МЗС Украіны.
У заяве міністры замежных спраў Германіі, Францыі, Польшчы, Вялікабрытаніі, Іспаніі і Італіі адзначылі, што гатовыя ўзмацніць падтрымку Украіны.
«Мы чакаем абмеркавання далейшага шляху разам з амерыканскімі хаўруснікамі. Нашымі агульнымі мэтамі павінна быць забеспячэнне пазіцыі сілы для Украіны. Украіна і Еўропа павінны ўдзельнічаць у любых перамовах», — сказана ў заяве.
Кіраўніца МЗС Германіі Аналена Бербак дадала, што падпісанне мірнага пагаднення магчыма толькі пры ўдзеле ў перамовах Украіны і еўрапейскіх краін.
12 лютага стала вядома пра размовы Трампа і з Пуціным, і з Зяленскім. Вядома, што размова з Зяленскім цягнулася каля гадзіны, але яе падрабязнасці публічна невядомы.
З Пуціным Трамп абмеркаваў «моцныя бакі іх нацый і вялікую выгаду, якую яны калі-небудзь атрымаюць ад сумеснай працы».
Тады ж стала вядома, што Трамп і Пуцін могуць сустрэцца ў Саудаўскай Аравіі.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?2
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары