Biełaruskija haradžanie nie chacieli b pavieličeńnia rusifikacyi — niezaležnaje daśledavańnie
Biełaruskija sacyjołahi Filip Bikanaŭ i Kanstancin Nieściarovič zrabili niezaležnaje daśledavańnie pra samaidentyfikacyju biełarusaŭ «Biełaruskaja identyčnaść u 2024 hodzie». Jaho vyniki raskazvaje Reform.
Dadzienyja dla daśledavańnia źbiralisia z dapamohaj anłajn apytańnia siarod haradskoha nasielnictva Biełarusi va ŭzroście 18— 64 hadoŭ.
U zaležnaści ad staŭleńnia ludziej da nacyjanalnaj śviadomaści sacyjołahi vydzielili piać hrup biełarusaŭ: «śviadomyja» (11%), «savieckija» (24%), «tyja, chto farmujecca» (25%), «abyjakavyja» (32%) i «rusifikavanyja» (7%).
Tolki čatyry pracenty apytanych nazvali ŭžyvańnie biełaruskaj movy ŭ svaim žyćci markieram biełaruskaj identyčnaści. Pry hetym 63% žycharoŭ Biełarusi ličać biełaruskuju movaj rodnaj, ale pastajanna karystajucca — tolki 11%.
Biełarusaŭ nie abjadnoŭvaje i relihija, zaznačajuć sacyjołahi. Toje, što abjadnoŭvaje ŭsich biełarusaŭ z roznych siehmientaŭ — heta «Pieśniary», Kupała i Kołas, draniki, «Kamunarka», BiełAZ.
U spažyvańni kulturnych praduktaŭ rasijski ŭpłyŭ nie staŭ daminujučym, u kino i muzycy apytanyja čaściej adznačali zachodni i biełaruski kantent.
Dalejšaj rusifikacyi biełarusy nie chacieli b. Kala 45% ličać, što zaraz suadniasieńnie biełaruskaj i ruskaj movy z roznych śfierach žyćcia — zbałansavana. Ad 20 da 30% apytanych ličać, što biełaruskaj movy pavinna być bolš.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii28
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary