U Hrodnie vynieśli prysud mužčynu, jaki dziejničaŭ u składzie hrupy, što vymańvała hrošy ŭ pažyłych ludziej, piša BiełTA.
27 žniŭnia mužčyna byŭ kurjeram. Jon zabraŭ u 80-hadovaj žančyny, a zatym 58-hadovaj žančyny źbieražeńni na 25 tysiač rubloŭ.
Schiema machlaroŭ była typovaj — jany padmanvali paciarpiełych pad vyhladam akazańnia dapamohi, kab paźbiehnuć nastupstvaŭ nibyta ŭčynienaha ich blizkimi svajakami DTZ.
Kurjer pieraličvaŭ vykradzienyja hrošy na ŭkazany jamu bankaŭski rachunak, pakidajučy sabie častku ŭ jakaści ŭznaharodžańnia.
Padčas sproby pieravodu hrošaŭ, vykradzienych u druhoj paciarpiełaj, mužčyna byŭ zatrymany milicyjaj.
Na sudovym pasiadžeńni abvinavačany svaju vinu nie pryznaŭ.
Sud Kastryčnickaha rajona Hrodna pryznaŭ mužčynu vinavatym u machlarstvie, učynienym paŭtorna, hrupaj asob, u bujnym pamiery.
Na padstavie č.3 art. 209 KK jamu pryznačana pakarańnie ŭ vyhladzie 5 hadoŭ i 6 miesiacaŭ pazbaŭleńnia voli z adbyvańniem terminu ŭ papraŭčaj kałonii va ŭmovach strohaha režymu.
Akramia taho, jamu treba budzie vypłacić štraf 100 bazavych vieličyń (4200 rubloŭ).
Rašeńniem suda kanfiskavany jaho mabilny telefon jak srodak učynieńnia złačynstva.
Taksama pastanoŭlena spahnać z abvinavačanaha na karyść pieršaj paciarpiełaj hrošy, jakich jana pazbaviłasia, a taksama kampiensavać maralnuju škodu abiedźvium žančynam.
Akramia taho, jon abaviazany vypłacić u dachod dziaržavy pošlinu 760 rubloŭ.
Prysud jašče nie ŭstupiŭ u zakonnuju siłu i moža być abskardžany i apratestavany ŭ adpaviednaści z zakanadaŭstvam.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki34
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje10
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Kamientary