Papa Francišak musić nanoŭ vučycca razmaŭlać paśla kisłarodnaj terapii
Papa Francišak pastupova adnaŭlaje siły ŭ špitali, adnak pavinien «nanoŭ vučycca havaryć» paśla praciahłaha vykarystańnia kisłarodnaj terapii z vysokim patokam, paviedamiŭ u piatnicu kardynał Viktar Manuel Fiernandes, piša Reuters.com.
Kardynał adchiliŭ čutki pra mahčymuju adstaŭku pantyfika i adznačyŭ, što toj viartajecca da svajho zvykłaha stanu.
«Papa pačuvajecca vielmi dobra, ale kisłarod vysokaha patoku vielmi mocna vysušvaje ślizistyja. Jamu treba nanoŭ vučycca razmaŭlać, ale ŭ cełym jaho fizičny stan taki ž, jak i raniej», — skazaŭ Fiernandes padčas prezientacyi novaj knihi Franciška pra paeziju.
88-hadovy papa znachodzicca ŭ špitali ŭžo piać tydniaŭ z dyjahnazam dvuchbakovaje zapaleńnie lohkich. Za hety čas Vatykan apublikavaŭ tolki adno karotkaje aŭdyja ź jaho vystupam — 6 sakavika. U im hołas Franciška byŭ zryvisty, ciažki i amal nierazborlivy.
U apošniaj miedycynskaj zvodcy, apublikavanym u piatnicu, Vatykan paviedamiŭ, što stan papy zastajecca stabilnym z «niaznačnym palapšeńniem dychańnia i mabilnaści».
U paviedamleńni taksama adznačajecca, što z paniadziełka papa ŭžo nie karystajecca miechaničnaj vientylacyjaj lohkich unačy, ale ŭsio jašče atrymlivaje kisłarod praź nievialikuju trubačku pad nosam na praciahu bolšaj častki času.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu2
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary