Rasija pačała pierakidać u Krym paŭnočnakarejskija ciažkija artyleryjskija ŭstanoŭki «Kaksan», što moža być pradvieśnikam adpraŭki na paŭvostraŭ vojskaŭ KNDR, paviedamlaje The Moscow Times.
Niamieckaje vydańnie ZDF źviarnuła ŭvahu na videa, jakoje źjaviłasia ŭ siecivie jašče 26 sakavika, na jakim artyleryju pieravoziać pa čyhuncy ŭ paŭnočnaj častcy Kryma.
Da hetaha času paŭnočnakarejskija vojski ŭdzielničali ŭ bajavych dziejańniach na baku Rasii tolki ŭ Kurskaj vobłaści. Ale, jak adznačaje ZDF, paśla likvidacyi płacdarma USU na rasijskaj terytoryi Maskva moža chutka razharnuć vajskovy kantynhient z KNDR u Krymie.
Pry hetym pahrozu mohuć ujaŭlać i asobna ŭstanoŭki «Kaksan». Hetyja 170-mm harmaty majuć radyus paražeńnia da 40 km, ale pry vykarystańni rakietnych snaradaŭ zdolnyja stralać na adlehłaść da 60 km. Jany adyhrali važnuju rolu ŭ kontrnastupleńni Rasii ŭ Kurskaj vobłaści.
Uzbrojenym siłam Ukrainy udałosia źniščyć piać ustanovak «Kaksan» z dapamohaj bieśpiłotnikaŭ, Adnak Pchieńjan moh pieradać Maskvie kala 200 takich harmat. Kali rasijskaja armija raźmieścić hetyja harmaty na poŭdni Ukrainy, to nie vyklučana, što ź ich buduć abstrelvać Chierson i Zaparožža, piša ZDF.
Upieršyniu pra adpraŭku vajskoŭcaŭ KNDR u Rasiju dla ŭdziełu ŭ vajnie suprać Ukrainy stała viadoma vosieńniu 2024 hoda. Pieršapačatkova Pchieńjan pasłaŭ na vajnu 11 tysiač sałdat. Pavodle acenki paŭdniovakarejskaj vyviedki, kala 4 tysiač ź ich byli zabityja abo paranienyja.
U studzieni i lutym hetaha hoda Paŭnočnaja Kareja pierakinuła ŭ Rasiju jašče kala 3 tysiač vajskoŭcaŭ, kab papoŭnić straty, paviedamlaŭ Abjadnany kamitet načalnikaŭ štaboŭ Paŭdniovaj Karei. Razam z vojskami Pchieńjan adpraviŭ «značnuju kolkaść» balistyčnych rakiet małoj dalokaści, 170-milimietrovyja samachodnyja haŭbicy i kala 220 adzinak 240-milimietrovych reaktyŭnych sistem załpavaha ahniu.
Budanaŭ: Paŭnočnaja Kareja pastaŭlaje 50% rasijskich bojeprypasaŭ
Paŭnočnakarejskija rakiety, jakija vykarystoŭvaje Rasija, stali bolš jakasnymi
Zialenski apublikavaŭ novaje videa z pałonnym paŭnočnakarejskim vajskoŭcam
Vajskovy bilet, znojdzieny ŭ pałonnaha paŭnočnakarejca, vypisany na realnaha tuvinca
Źjaŭleńnie paŭnočnakarejskich vojskaŭ va Ukrainie — krok da Treciaj suśvietnaj?
Našto Kimu leźci va Ukrainu i čamu za hetym moža stajać Kitaj?
Ad BNF da HRU. Chto takaja Natalla Sudlankova, jakoj čechi zahadali pakinuć krainu27
Kamientary
Ale što jość to jość.
Mieć chaŭrus z paŭnočnaj karejaj
Istotna lepiej čym z ZŠA