Upraŭleńnie hramadzianskaj avijacyi Paŭdniovaj Afryki apublikavała vyniki aficyjnaha rasśledavańnia niezvyčajnaj avijakatastrofy, jakaja adbyłasia 19 studzienia 2025 hoda na vostravie Biord u zalivie Ałhoa Uschodnie-Kapskaj pravincyi, piša Bi-bi-si.
Zhodna z materyjałami rasśledavańnia, navukova-daśledčy viertalot z čatyrma navukoŭcami na borcie vykonvaŭ płanavy ahladny palot nad archipiełaham u zalivie Ałhoa. Paśla zaviaršeńnia asnoŭnaj misii ekipaž zrabiŭ pasadku na vostravie Biord z metaj transparciroŭki pinhvina ŭ Port-Elizabet dla praviadzieńnia navukovych daśledavańniaŭ.
Niečakany pavarot padziej adbyŭsia padčas uźlotu, kali ptušyny pasažyr zdoleŭ vyzvalicca sa skrynki, u jakoj jaho transpartavali. U krytyčny momant naboru vyšyni jon zrabiŭ rezki ruch, udaryŭšy pa ryčahu kiravańnia cykličnym krokam i pieramiaściŭšy jaho ŭ krajniaje pravaje stanovišča. Heta pryviało da imhniennaha nachiłu pavietranaha sudna i nastupnaha padzieńnia z vyšyni kala 15 mietraŭ.
Prytym, niahledziačy na surjoznaść incydentu, usie ŭdzielniki zdareńnia, uklučajučy čaćviarych navukoŭcaŭ i samoha vinavataha ŭ avaryi — pinhvina, nie tolki zastalisia žyvyja, ale i nie atrymali surjoznych traŭmaŭ.
Ńju-Jorkski zaapark pradaje z aŭkcyjonu karciny, namalavanyja žyviołami
U ZŠA patłumačyli, navošta ŭviali handlovyja taryfy na biaźludnyja astravy, dzie žyvuć adny pinhviny
Stali viadomyja pieramožcy štohadovaj premii za najlepšyja FOTY dzikaj pryrody
U zaaparku San-Dyjeha pryjomnyja samcy-fłaminha vysiedzieli jajka
Toj samy masažyst raskazaŭ, navošta zdymaŭ hołych klijentak2
Kamientary
Strachoŭka, adkaznaść, vydatki na ačystku terytoryi...nie chuchry-muchry...