U ZŠA patłumačyli, navošta ŭviali handlovyja taryfy na biaźludnyja astravy, dzie žyvuć adny pinhviny
ZŠA ŭviali myty na biaźludnyja astravy, kab pierakryć mahčymyja ščyliny dla abychodu handlovych abmiežavańniaŭ.
Ministr handlu Złučanych Štataŭ Hovard Łutnik patłumačyŭ, čamu biaźludnyja astravy Chierd i Makdonald apynulisia ŭ śpisie terytoryj, na jakija raspaŭsiudžvajucca novyja myty. Pavodle jaho słoŭ, heta miera nakiravana na likvidacyju mahčymych ščylin, praź jakija inšyja krainy mahli b abychodzić handlovyja abmiežavańni ZŠA. Łutnik adznačyŭ, što prezident Donald Tramp imkniecca pierakanacca, što niama nivodnaj terytoryi, jakaja zastaniecca pa-za ŭvahaj u hetym pytańni.
Jak viadoma, pad abvieščanyja prezidentam ZŠA taryfy trapiła hrupa niezasielenych vułkaničnych astravoŭ pablizu Antarktydy, pakrytych ledavikami, jakija źjaŭlajucca domam dla pinhvinaŭ.
Hetyja vyspy źjaŭlajucca adnymi z samych addalenych miescaŭ na ziamli. Jany absalutna niezasielenyja, i ličycca, što apošni raz ludzi naviedvali ich amal 10 hadoŭ tamu.
Zhodna z rašeńniem Trampa, z 3 krasavika na ekspart pradukcyi z hetych astravoŭ u ZŠA nakładvajecca 10-pracentnaja pošlina.
«Žarty žartami, a pavodle sajta trademap, u 2024 hodzie ZŠA impartavali z nasielenaha pinhvinami vostrava Norfolk tavaraŭ na ahulnuju sumu $192 tysiač. U 2023 hodzie — rekordnyja $686 tysiač, a ŭ 2022 hodzie — 273 tysiač, dadzienyja pryvodzić i Suśvietny Bank. Viadoma, 273 tysiačy «nadvorja nie robiać», ale źviarnicie ŭvahu na handlovy kod 84 u 2022 hodzie — «pinhviny» ekspartavali zapčastki dla jadziernych reaktaraŭ na $5 tysiač», — zaŭvažyła amierykanistka Alaksandra Filipienka.
U śpisie krain, na jakija taryfy nie raspaŭsiudžvajucca, — Biełaruś, Rasija, Kuba, Paŭnočnaja Kareja.
Kamientary
- u tiebia vybora druhoho nie było.
- a eto?
- u tiebia vybora druhoho nie było.
- a eto?
- u tiebia vybora druhoho nie było.
inohda u mienia vpiečatlenije, čto ja razhovarivaju s alisoj