Zialenski zajaviŭ, što Ukraina hatova kupić 10 kompleksaŭ Patriot za 15 miljardaŭ dołaraŭ, ale ZŠA nie pradajuć
Prezident Uładzimir Zialenski zajaviŭ ab hatoŭnaści nabyć u ZŠA dziesiać zienitnych kompleksaŭ Patriot za 15 miljardaŭ dołaraŭ ź finansavaj dapamohaj jeŭrapiejskich partnioraŭ.
Zialenski ŭ intervju CBS zajaviŭ, što Ukraina tak i nie atrymała dadatkovyja sistemy Patriot, jakija abiacali na samicie NATO ŭ Vašynhtonie.
«Ja pavažaju vybar ZŠA, ale kali ZŠA nie dali nam takija sistemy, nie pradali ich, my hatovyja da luboha farmatu, pytańnie nie ŭ hrošach», — skazaŭ jon.
Pavodle jaho słoŭ, niekatoryja jeŭrapiejskija partniory hatovy finansava dapamahčy ŭ nabyćci hetych sistem.
«Ale ZŠA kažuć, što siońnia niama mahčymaści. U hety ž čas jany pradajuć takija sistemy, naprykład, Izrailu. Ja nie kažu, što jany nie patrebnyja Izrailu, ale kali my partniory, niaŭžo my nie možam znajści mahčymaść abaranić Ukrainu?» — skazaŭ jon.
Pavodle jaho słoŭ, u razmovie z prezidentam Donaldam Trampam jon prapanavaŭ roznyja varyjanty.
«Jość sistema Patriot, i ŭ vas ich šmat, i ŭ vas jość vytvorčaść. Jość niekalki krokaŭ, jak abaranić Ukrainu.
Krok pieršy: adna sistema, jakaja kaštuje paŭtara miljarda dołaraŭ, my hatovy kupić minimum dziesiać sistem, kab zakryć niejkija harady, tolki hramadzianskija, centry haradoŭ, dzie natoŭpy ludziej. Heta 15 miljardaŭ. My hatovyja zapłacić hetyja 15 miljardaŭ. My znojdziem hetyja hrošy, i my zapłacim usio», — skazaŭ Zialenski.
Druhi varyjant, pavodle jaho słoŭ, — heta licenzii na vytvorčaść sistem i źviazanych ź imi rakiet, i jon prasiŭ ab hetym ciapierašni i papiarednija administracyi ZŠA.
Jon taksama nazvaŭ krainy Blizkaha Uschodu, Jeŭropy i Azii, dzie razhornutyja amierykanskija sistemy Patriot i dzie nie viaducca bajavyja dziejańni, jakija možna było b pieranieści va Ukrainu.
«My byli hatovyja ŭziać ich navat u arendu. Jość šmat farmataŭ, jak heta zabiaśpiečyć. Patrebna žadańnie», — skazaŭ Zialenski.
Nijakaha parazumieńnia z ZŠA, jak vynikaje ź intervju, pakul niama.
-
U akupavanym Łuhansku skončyŭsia bienzin AI-92 i AI-95. Jaho deficyt nazirajecca i ŭ niekatorych rehijonach Rasii
-
Kolki ŭkraincaŭ zhodny na pieramovy na lubych umovach, a kolki za toje, kab vajavać, pakul nie vyjduć na miažu 2022 hoda
-
Sotni ludziej pryjšli ŭ Kijevie raźvitacca z maładoj maci i jaje dačkoj, jakija zahinuli ad rasijskaha ŭdaru
Represii razhaniajucca ci zapavolvajucca? Davajcie ličyć9
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach10
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary
Dy jašče vieźci nieviadoma kolki času praz akiean. Dy jašče svarycca z Amierykaj. Maŭlaŭ usie biedy Ukrainy z-za jaje.
Ci nie praściej, kab jeŭrapiejskija partniory dali Ukrainie svaje zienitnyja kompleksy? I vieźci bližej, i chutčej.
Kamu Pucin nie adobryŭ? Bajdenu?