U Homieli dziaŭčynka źnikła z hrupy padoŭžanaha dnia, a znajšłasia ŭ reanimacyi balnicy
Na minułym tydni, 9 krasavika, u pryharadzie Homiela adbyłasia avaryja, u vyniku jakoj mocna paciarpieła pieršakłaśnica. Paźniej stanie viadoma: dziaŭčynka źnikła padčas prahułki, znachodziačysia ŭ hrupie padoŭžanaha dnia, i była abjaŭlena ŭ vyšuk. Dzicia šukali baćki, milicyja, MNS i vałanciory pošukava-vyratavalnaha atrada «Simuran», piša Onliner.by.
Siamja, dzie adbyłasia biada, žyvie ŭ nievialikim ahraharadku ŭ pryharadzie Homiela. Dziaŭčynka vučycca ŭ adnoj z homielskich škoł, raźmieščanaj u rajonie MŽK «Soniečny».
U toj dzień, 9 krasavika, Lena paśla ŭrokaŭ zastałasia ŭ hrupie padoŭžanaha dnia, a paźniej jaje tatu patelefanavali i paviedamili, što jana źnikła. Učora ŭ Leny byŭ dzień naradžeńnia, joj spoŭniłasia 10 hadoŭ. Kali žurnalisty źviazalisia ź jaje baćkam Juryjem, jana ŭsio jašče była na apieracyi.
— Dačka vučycca ŭ pieršym kłasie. Dzicia asablivaje, u jaje aŭtyzm, tamu za joj byli zamacavanyja dva tjutary. Zvyčajna adzin zastavaŭsia ź joj ranicaj padčas urokaŭ, a druhi — na padoŭžancy. Ja pakul nie hatovy havaryć pra toje, što tam dakładna adbyłosia: ciapier viadziecca śledstva. Adno mahu skazać: Lena ŭ nas spakojnaja dziaŭčynka, pasłuchmianaja, nikoli sama nikudy nie pojdzie.
Pryblizna a 15:40 mnie patelefanavali sa škoły i skazali, što Lena źnikła. Ja adrazu ž paprasiŭsia z pracy i pajechaŭ šukać dačku. Nam dapamahali ŭsie: i MNS, i milicyja, i vałanciory. Uvieś mikrarajon «Soniečnaha» pračesvali, ja abjechaŭ na mašynie ŭsio, što moh. Zajazdžaŭ u kožnuju bujnuju kramu, pakazvaŭ achovie fota Leny. Na žal, my nie viedali jaje maršrutu, nie mahli navat vykazać zdahadku, kudy jana mahła pajści.
U niejki momant mnie niechta patelefanavaŭ i skazaŭ: «Patelefanuj u chutkuju, tam, zdajecca, dzicia dastavili». Patelefanavaŭ — tak i jość.
Pamčaŭ tudy, u pryjomny pakoj Homielskaj abłasnoj balnicy, pakazaŭ fota dački — tak, kažuć, heta jana.
Paźniej stanie viadoma: kala 16:15 pablizu zapraŭki na homielskaj trasie Lenu źbiła mašyna. U vyniku DTZ dziaŭčynka atrymała šmatlikija traŭmy i była dastaŭlenaja ŭ reanimacyju bližejšaj balnicy. Na dniach Lenu pieraviali ŭ reanimacyju dziciačaj abłasnoj balnicy, jana dahetul znachodzicca ŭ ciažkim stanie.
— Nam vielmi ciažka psichałahična, asabliva žoncy. Prosta ciapier dačku apierujuć, i mnie nie chaciełasia b nikoha zaŭčasna abvinavačvać u tym, što ź joj adbyłosia. Viedaju tolki, što na momant DTZ jana pavinna była znachodzicca ŭ škole, a dalej užo budzie raźbiracca śledstva. Zaraz samaje hałoŭnaje — kab Lena pajšła na papraŭku.
Pavodle słoŭ baćkoŭ, miedyki papiaredzili, što dziaŭčynku čakaje praciahły pieryjad adnaŭleńnia i reabilitacyi, jaki zojmie nie mienš za hod. Paśla trahiedyi siamja adkryła dabračynny rachunak.
Kamientary