«Čeki, usio da dna, kožnuju skrynačku adčyniajuć». Što kažuć pra pravierki na miažy biełarusy, jakija niadaŭna viartalisia z Polščy
Na vyjeździe ź Biełarusi ŭ Polšču praz punkt propusku «Brest» uvieś tydzień nazirajucca čerhi. Aŭtamabilnaja zachoŭvajecca da hetaha času, navat niahledziačy na travieńskija śviaty ŭ našych susiedziaŭ. A voś aŭtobusnaja źnikła dniom 30 krasavika. Biełaruskija pamiežniki tradycyjna abvinavačvajuć u čerhach polskich kaleh, jakija nibyta pavolna pracujuć. A što kažuć pra pracu bresckich mytnikaŭ, žurnalisty BGmedia daviedalisia ŭ pamiežnych čatach.
U pieryjad z 26 pa 29 krasavika, kali ŭ Biełarusi byli doŭhija vychadnyja, Bresckija mytniki staranna praviarali tych, chto zajazdžaŭ u Biełaruś. Vandroŭniki źviartali ŭvahu, što mytniki patrabavali čeki na tavary i rečy, jakija jany vieźli.
«Na viartańnie ŭ RB [26 krasavika] naša mytnia pracuje chutka. Inśpiektaraŭ vielmi šmat, jość čornyja [mytniki ŭ čornaj formie], hladziać na zialonym [kanale]. Čeki, usio da dna, kožnuju skrynačku adkryvajuć. Šmat [aŭtamabilaŭ] adpraŭlajuć na renthien».
«Zajechaŭ na PP RB. Na čyrvonym 12 mašyn da ahladu. Na zialonym čarha karotkaja. Pakul staim, ničoha nie adbyvajecca, napeŭna, praz aŭtobusny apakalipsis».
«RP — RB, u 19.00 [26 krasavika] staŭ u čarhu (350 mietraŭ da šłahbauma). Poŭny dahlad + renthien. U 04.00 zajechaŭ u RB.
Źmiena vielmi pavolnaja, zapusk na zialonym na renthien praz adnaho … Ahułam: 9 hadzin».
«RP — RB, stali ŭ čarhu 26.04 u 21.44. 27.04 u 07.10 vyjechali ad biełarusaŭ (11 kanał — ahlad usich torbaŭ), čas paznačany polski. Prachodžańnie zaniało 9 hadzin. Usim ciarpieńnia i ŭdačy. Kali chtości budzie vieźci b\k kapsulnuju kavamašynu, stanaviciesia na čyrvony kanał, nie rabicie našu pamyłku».
«U RB [28 krasavika] zialony kanał — kaniec źmieny ŭ našych. Ale, moža, kamu jašče cikava. Na zialonym u svaim styli, jak zvyčajna. Hladziać usio i ŭsiudy, čeki taksama, ale šali nie bačyła. Na renthien [čarha] — za śmietnicy až na pavarot».
RP — RB [28 krasavika]. U 20.40 zajechali da biełarusaŭ na zialony (było dźvie čarhi da prybiralni, čyrvony — pusty). U 21.45 vyjechali. Praviarajuć usio: valizki, sumki, pakiety, źviarajuć z vatami i čekami. Na renthien vielmi šmat mašyn».
«RP — RB, zajechali ŭ 15.30. U biełarusaŭ zialony kanał zabity. Čyrvony kanał — mašyn 10 na 17.30. Amal usich na renthien. Vyjechali ŭ 23.20 pa biełaruskim časie».
«Jechaŭ siońnia z Varšavy [29 krasavika], vyjechaŭ u 05.30, u 12.36 byŭ doma. Miežy abiedźvie — 20 chvilin! Padjechaŭ i ŭvieś čas byŭ pieršym. Navat nie vierycca takomu! Zvarotka, viadoma, žach!»
«RP — RB [29 krasavika]. U 21.15 zajechali da palakaŭ. U 22.40 zajechali da biełarusaŭ. U 00.30 vyjechali ź miažy. 7,5 hadziny ŭsia miaža, z ulikam, što 2 hadziny visieli kampy. Čas polski. Biez renthiena, zvyčajny ahlad rečaŭ, asabliva nie kapalisia».
U pieryjad z 30 krasavika pa 2 maja ab rabocie bresckich mytnikaŭ adklikalisia lepš:
«RP — RB [30 krasavika]. U 09.50 zajechali na pašpartny RB. U 09.59 pašpartny projdzieny. U 10.25 mytnia. Chłopiec niamocna cikaviŭsia ahladam. Paviarchoŭna hlanuŭ. U 10.43 vypuścili z kantrolu».
«U biełarusaŭ u bok RB zialony kanał zabity nastolki, što ŭžo navat nie vypuskajuć z pašpartnaha, tamu što niama miesca. Jašče nie dajechali, staim na pašpartnym, čakajem, kali vypuściać (nastolki zabity zialony, što davodzicca čakać). Sami taksama jedziem na čyrvony».
«U našych doma na zialonym usio tolki pa spravie [1 maja]. Nakštałt chutka, ale ceny praviarajuć. Biaruć na 11, 12 i 13 kanały. Na 13-m mužčyna starejšy, vielmi vietlivy i pryjemny. Dziaŭčyny taksama, nakštałt, chutka, ale taksama z čekami ŭsio».
«RP — RB, 01.05.2025. U 23.26 zajechali da biełarusaŭ. U 23.52 prajšli pašpartny. U 00.29 prajšli dahlad (usie prahledzieli, ale z uśmieškaj). U 00.31 kviest projdzieny. Razam: 8 hadzin».
«RP — RB [1 maja, aŭtobus]. U 06.30 zapuścili na pašpartny RB. U 06.50 pašpartny projdzieny (bahaž praviarali tolki skanieram), čakajem aŭtobus z renthiena. Prykładna kala 9 hadzin na prachodžańnie. Vialikaje čakańnie było na zajezd na most i vyjezd z mosta».
«RP — RB [1 maja, aŭtobus]. Adrazu da palakaŭ, za 15 chvilin usie vyjšli. Try vokny pracavali. Hadziny dźvie [prajšło], pakul prypaŭźli da našych na kantrol. 30 chvilin razam ź dziuci fry. Adnaho čałavieka zatrymali z masažnym stałom. Aformili na SČZ — skład časovaha zachoŭvańnia] — plus 30 chvilin. U vyniku na dźvie miažy ad i da — 3 hadziny! Usim lohkich daroh».
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary