Žan-Kłod Van Dam pieradaŭ «pacałunak Pucinu» na fonie abvinavačvańniaŭ u seksualnych złačynstvach
64-hadovy akcior Žan-Kłod Van Dam źviarnuŭsia da Uładzimira Pucina i zajaviŭ pra hatoŭnaść pryjechać u Rasiju i stać «pasłom miru». Taksama jon pieradaŭ pacałunak rasiejskamu prezidentu i jahonaj siamji. Videa ź jahonym zvarotam apublikavaŭ telehram-kanał «Pančienko», i na im akcior znachodzicca pobač z byłym deputatam ukrainskaj Partyi rehijonaŭ Viktara Janukoviča Alaksandram Aniščankam, piša The Moscow Times.
«Dla mianie heta budzie honaram», — zajaviŭ akcior, nahadaŭšy pra sustreču z Pucinym na čempijanacie Jeŭropy ŭ bajach biez pravił u Sočy.
Videa nie było raźmieščana ŭ aficyjnym akaŭncie akciora, ale ŭ jahonym instahramie źjaviłasia videa ź jašče adnym prychilnikam Uładzimira Pucina Styvienam Sihałam, jakoha Van Dam nazyvaje svaim blizkim siabram. U 2024 hodzie Sihał zajaviŭ, što hatovy «pamierci za Pucina», i naviedaŭ jahonuju inaŭhuracyju.
U pačatku vajny Žan-Kłod Van Dam padtrymlivaŭ Ukrainu. Akcior u 2022 hodzie pabyvaŭ ź vizitam u Zakarpaćci i fatahrafavaŭsia z ukrainskimi pamiežnikami. Jon paziravaŭ na fota ŭ vyšyvancy i vykrykvaŭ łozunh «Słava Ukrainie!».
Letaś akcior apynuŭsia ŭ centry skandału. U krasaviku 2024 hoda rumynskaje vydańnie Libertatea paviedamiła, što Van Dam staŭ fihurantam spravy ab handli ludźmi, uklučajučy niepaŭnaletnich. Rasśledavańnie viadzie rumynskaja prakuratura pa baraćbie z arhanizavanaj złačynnaściu. Śledstva miarkuje, što jon uciahvaŭ dziaŭčat u seksualnuju ekspłuatacyju z vykarystańniem psichałahičnaha cisku.
Žan-Kłod Van Dam — nie pieršy akcior, jaki abvinavačvajecca ŭ złačynstvach i padtrymlivaŭ suviaź z Rasijaj. U 2018 hodzie suprać Styviena Sihała było pačata rasśledavańnie za zhvałtavańnie ŭ 2002 hodzie. Ale sprava praź niekalki miesiacaŭ paśla pačatku była zakrytaja prakuraturaj Łos-Andželesa z-za zakančeńnia terminu daŭniny. U 2016 hodzie Sihał atrymaŭ rasijskaje hramadzianstva, a ŭ 2018-m pryznačany śpiecpradstaŭnikom MZS RF pa humanitarnych suviaziach z ZŠA.
Jašče adzin udzielnik skandałaŭ — francuzski akcior Žerar Depardjo. Jon abvinavačvajecca ŭ seksualnych damahańniach i zhvałtavańniach — bolš za dziasiatak žančyn vystavili adpaviednyja abvinavačvańni. U 2025 hodzie prachodziŭ sudovy praces pa spravie ab hvałcie na zdymačnaj placoŭcy ŭ 2021 hodzie.
U 2013 hodzie Depardjo atrymaŭ rasijskaje hramadzianstva paśla kanfliktu z francuzskimi padatkovymi ŭładami. Paśla pačatku vajny francuz pierastaŭ pryjazdžać u Rasiju i zdymacca ŭ joj, a ŭ Dziarždumie ŭ pačatku 2025 hoda zaklikali adabrać u jaho pašpart.
Van Dama abvinavačvajuć pa spravie ab seks-handli niepaŭnaletnimi
«Ja schapiŭ jaje za ściohny, kab nie paśliznucca». U Paryžy idzie sudovy praces nad Žeraram Depardjo pa abvinavačvańni ŭ seksualnym hvałcie
Jak Prakopjeva fatahrafavali z hołaj žančynaj, a Sihał pryjechaŭ na zdymku ź zialonym kavunom ad Łukašenki
Biełarusy, jakija stali zorkami ŭ Rasii: što ź imi stała za čas poŭnamaštabnaj vajny?
Ciapier čytajuć
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary