U Biełarusi pradajuć redki VW Polo. Kolki prosiać za 30-hadovy ekskluziŭ?
Šerahovy aŭtaamatar moža padumać, što mašynu prosta sabrali z zapčastak roznaha koleru, ale heta nie zusim tak.
Cikavaja mašyna, ale ź niuansami
U Smalavičach vystavili na prodaž roznakalarovy VW Polo 1996 hoda vypusku. U abjavie paznačana, što heta aryhinalny Arlekin (Harlekin).
Asablivaść hetaj madeli zaklučajecca ŭ tym, što kuzaŭ aŭtamabila byŭ vykanany adrazu ŭ čatyroch kolerach: žoŭty, sini, čyrvony, zialony.
U Polo, jaki pradajuć u Smalavičach, asnoŭny koler — sini, tamu dach, zadnija kryły i ŭnutranka aŭto siniaje. Ale koler kuzava taksama moža być žoŭtym, čyrvonym abo zialonym.
U abiŭcy siadzieńniaŭ taksama možna ŭbačyć elemienty z čatyroch koleraŭ. Na ryčahu pieraklučeńnia chutkaściej jość roznakalarovy nadpis Harlekin.
Prosiać za mašynu 2900 dalaraŭ, što robić jaho samym darahim na biełaruskim rynku siarod Polo 1995-1997 hadoŭ vypusku.
Nakolki kaštoŭny mienavita hety ekzemplar — pytańnie sprečnaje. Z adnaho boku heta sapraŭdy redkaje aŭto, a ź inšaha, jak kuzaŭ tak i sałon aŭto patrabujuć uvahi.
Navat pa fota, dzie mašyna staić brudnaja, bačna, što na mnohich elemientach kuzava prysutničaje karozija.
Sałon aŭtamabila taksama daloka nie ŭ idealnym stanie. Jon patrabuje nie tolki chimčystki, ale i ramontu, pakolki na kresły kiroŭcy jość dzirka.
Sapraŭdny ekśluziŭ
VW Polo Harlekin vypuskali z 1995 pa 1997 hod. Usiaho było vypuščana kala 3800 adzinak VW Polo Harlekin. Jašče bolš redkim byli VW Golf 3 u vykanańni Harlekin — usiaho 264 štuki.
Admietna, što pieršapačatkova VW nie mieŭ płanaŭ vypuskać padobnyja viersii mašyn. Pieršapačatkova aŭtavytvorca zrabiŭ heta dziela rekłamy, ale žartaŭlivyja VW atrymali pazityŭnyja vodhuki i vysoki popyt, tamu VW vyrašyŭ vypuścić limitavanuju viersiju roznakalarovych mašyn.
U vyniku Harlekin znajšoŭ svajo miesca ŭ aŭtamabilnaj kultury. Amatary marki va ŭsim śviecie samastojna robiać z svaich VW arlekinaŭ, zamianiajučy abo pierafarboŭvačy detali. I robiać heta nie tolki z madelami Golf i Polo.
Takim čynam markietynhavy truk staŭ častkaj aŭtamabilnaj kultury.
Što tyčycca techničnaha boku, to VW Polo Harlekin, jak i Golf, ničym nie adroźnivajucca ad inšych mašyn. Naprykład, u smalavickaha Polo pad kapotam samy słaby ŭ liniejcy 1-litrovy bienzinavy ruchavik.
Ciapier čytajuć
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma3
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1313
Kamientary