Joj było 79 hadoŭ.
U niadzielu, 4 maja, pamierła šmathadovaja viadoŭca savieckaha i biełaruskaha radyjo i telebačańnia Kaciaryna Jahorava (Nieściarovič), piša «Lusterka».
Kaciaryna Nieściarovič (paśla zamužža — Jahorava) naradziłasia 21 sakavika 1946 hoda ŭ vioscy Bui Loźnienskaha rajona Viciebskaj vobłaści. Vychoŭvałasia maci i babulaj. Paśla zakančeńnia škoły pracavała pradaŭcom, buchhałtaram, sakratarom rajvykankama, łabarantkaj u chimičnaj łabaratoryi, paralelna ŭdzielničała ŭ kancertach samadziejnaści.
Pa zaprašeńni znakamitaha biełaruskaha chormajstra Hienadzia Citoviča, chor jakoha adnojčy vystupaŭ u Lozna, pierajechała ŭ Minsk i stała spačatku viadučaj kancertaŭ choru, a paśla — jaho salistkaj.
U 1975 hodzie na Biełaruskim telebačańni adbyŭsia konkurs dyktaraŭ, dzie z 150 pretendentaŭ vybrali dvuch, siarod ich była i Kaciaryna. U krasaviku 1976 hoda jana ŭpieršyniu vyjšła ŭ efir i ahučvała naviny bolš za 20 hadoŭ.
Taksama jana viała na telebačańni prahramu «Zaprašajem na viačorki», pryśviečanuju falkłoru.
Paralelna z 1989 hoda Jahorava pracavała dyktaram na Biełaruskim radyjo. Jana taksama była viadučaj radyjokanała «Kultura» i kancertnaj zały Biełdziaržfiłarmonii.
Paśla sychodu z radyjo (heta zdaryłasia ŭ druhoj pałovie nulavych, jak miarkujuć siabry viadučaj, da 2010 hoda) Jahorava pracavała nad ahučkaj aŭdyjaknih. Naprykład, u jaje vykanańni možna pačuć «Ludzi na bałocie» Ivana Mieleža. Taksama jana ahučvała tvory Janki Bryla i Alesia Adamoviča.
Ciapier čytajuć
«Ja pra mužoŭ-biełarusaŭ čuju tolki: «Nikoli znoŭ!» Čamu bčb-niaviesta Ina Zajcava na hod źnikła z sacsietak i što ź joj ciapier?2
Kamientary
Daskanałaja.
Śvietłaja pamiać