Biełaruska ŭ Polščy paznajomiłasia z arhiencincam i pajechała da jaho na radzimu. Jon akazaŭsia siamiejnym tyranam
Palicyja Arhienciny vyratavała ad chatniaha tyrana biełarusku Alaksandru M. i jaje dačku Emili. Małady čałaviek, ź jakim u biełaruski zaviazaŭsia raman, adabraŭ u dziaŭčyny telefon i chavaŭ jaje navat ad znajomych. Pa historyju vyzvaleńnia biełaruski piša Most na padstavie paviedamleńniaŭ arhiencinskaj presy.
Z Markasam M. Alaksandra paznajomiłasia ŭ Polščy. Małady čałaviek (jon na dva hady maładziejšy za biełarusku) pracavaŭ na toj ža fabrycy, u jaje ŭ padnačaleńni. U ich zaviazaŭsia raman, a praź niejki čas Markas prapanavaŭ dziaŭčynie pierajechać da jaho ŭ Arhiencinu. U pary naradziłasia dačka Emili.
Spačatku para prylacieła ŭ Buenas-Ajres, ale adtul pierajechała ŭ stalicu pravincyi Čaka, horad Resistensia. Tam Markas źmianiŭsia. Kali ŭ Polščy ŭ maładych ludziej byvali nievialikija svarki, to ŭ Arhiencinie Markas staŭ demanstravać ahresiju: adabraŭ u dziaŭčyny telefon, biŭ jaje, a zatym pierastaŭ dazvalać vychodzić z domu.
Jak piša vydańnie La Voz, kali chtości sa znajomych prychodziŭ u dom, Alaksandra pavinna była siadzieć u pakoi. Źbiehčy jana bajałasia, a z ulikam moŭnaha barjera ŭrešcie apynułasia ŭ poŭnaj izalacyi.
Pakuty doŭžylisia paŭtara hoda, a dapamoha pryjšła niečakana. Susiedka ŭbačyła, jak Alaksandra płača ŭ dvary, i patelefanavała na haračuju liniju dla achviaraŭ hiendarnaha hvałtu.
U dom pryjechała palicyja. U toj dzień Alaksandra była z dačkoj, jaje partnior hulaŭ u kampjutarnyja hulni. Biełarusku advieźli ŭ biaśpiečnaje miesca. Markasa padazrajuć u niezakonnym pazbaŭleńni voli. Jaho papiarednie aryštavali na 10 dzion, mužčynu moža pahražać ad dvuch da šaści hadoŭ źniavoleńnia.
Alaksandra z maleńkaj dačkoj užo vylecieli ŭ Biełaruś.
«Ja maru dać svajoj dačce dobraje žyćcio. Dom, miesca dla hulniaŭ. I navučyć jaje pravilna vybirać taho, chto budzie pobač», — pryvodzić słovy Alaksandry La Voz.
«Muž prymušaŭ mianie zajmacca seksam utraich». Historyja hvałtu, jakoha nichto nie zaŭvažaŭ
Maryna Mientusava raskazała, čamu razyšłasia z mužam
Skandał u karaleŭskaj siamji Narviehii: syna pryncesy abvinavačvajuć u seksualnym hvałcie
U Francyi baćka niekalki hadoŭ hvałciŭ svaju dačku-padletka i prapanoŭvaŭ inšym
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary
Tam 4 ściany ŭ dyvanach, parandža i biazun na ścianie. Biez ŭsiakich pravoŭ dla žančyn.