«Ščaślivy z maimi novymi siabrami». Na škłozavodzie «Nioman» u Biarozaŭcy ŭžo niekalki hadoŭ pracuje jehipcianin
U sacsietkach zamiežnik pakazvaje svaju tvorčuju, ale davoli składanuju pracu.
Jehipcianin Samiech Šabora pracuje na škłozavodzie «Nioman» u Biarozaŭcy ŭ cechu apracoŭki ŭ tak zvanaj «šlifoŭni». Zajmajecca hraviroŭkaj. Kali i čamu mužčyna vyrašyŭ pryjechać u Biełaruś, dakładna nieviadoma, ale pieršyja fotazdymki ź Minska źjavilisia ŭ jaho instahramie jašče ŭ 2021 hodzie.
Darečy, u tym samym hodzie škłozavod «Nioman» raskazvaŭ, što pašyryŭ hieahrafiju prodažu svaich vyrabaŭ. Śpiecyjalna dla zakazčyka ź Jehipta na zavodzie sumiesna z mastakami ź Blizkaha Uschodu raspracavali novy asartymient taŭstaściennych čarak, kuflaŭ i fužeraŭ. Ich admietnaj asablivaściu byli malunak z elemientami arabskaha mastactva i masiŭnaja fihurnaja nožka, jakaja nahadvała kałonu miačeci. Posud z toj kalekcyi advieźli ŭ kramy Jehipta, ale i ŭ Biełarusi jon taksama pradavaŭsia.
U sacsietkach Samiech pakazvaje nie tolki vynik svajoj tvorčaści, ale i mierapryjemstvy na zavodzie. Naprykład, padčas navahodnich śviat jon apublikavaŭ zdymak z adnaho z cechaŭ: vinšavać zavadčan pryjšli Śniahurka i Dzied Maroz z bajanam. Mužčyna padpisaŭ fota tak: «Ščaślivy z maimi novymi siabrami».
Udzielničaŭ Samiech i ŭ mierapryjemstvach, pryśviečanych 80-hodździu pieramohi ŭ Druhoj suśvietnaj vajnie. Jon apublikavaŭ fota, dzie ŭ jaho na palito pryšpilena čyrvona-zialonaja stužka z kvietkaj jabłyni, i pavinšavaŭ siabroŭ z Dniom Pieramohi.
Imavierna, u Biełaruś jehipcianin pryjechaŭ ź siamjoj, bo ŭ adnym ź videa jon pakazvaje chłopčyka, jaki taksama sprabuje pracavać sa škłom za stankom.
Ciapier čytajuć
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty21
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych88
Kamientary