Pry atacy šachiedaŭ na Charkaŭ zahinuli dva čałavieki, siarod paciarpiełych — dzieci
Mer Charkava Ihar Cierachaŭ paviedamiŭ, što rasijskija vojski ciaham dzieviaci chvilin (z 00:31 da 00:40) nanieśli ŭdary 17 šachiedami pa dvuch rajonach horada — Słabadskim i Asnavianskim.
«Jość pramyja trapleńni ŭ šmatpaviarchovyja damy, pryvatnyja damy, dziciačyja placoŭki, pradpryjemstvy i hramadski transpart. Pałajučyja kvatery, razburanyja dachi, vyharałyja aŭtamabili, pabityja vokny», — napisaŭ jon u telehramie.
Cierachaŭ paćvierdziŭ, što zahinuli dva čałavieki i paciarpieli 37. Siarod paciarpiełych — piać dziaciej. Niekalkich čałaviek udałosia vyratavać z achoplenych połymiem damoŭ.
«Paškodžany tralejbusy, kantaktnaja sietka, kamunalnyja i vytvorčyja abjekty. Usio heta — zvyčajnyja abjekty mirnaha žyćcia. Tyja, jakija ni ŭ jakim razie nie pavinny stanavicca mišeńniu. Kamunalnyja i avaryjnyja słužby, vałanciory pracujuć bieź pierapynku — likvidujuć nastupstvy, dapamahajuć paciarpiełym, adnaŭlajuć padaču hazu, śviatła i vady», — dadaŭ mer.
Rasijskija ŭłady ŭdary pa Charkavie nie kamientavali.
Ciapier čytajuć
«Dźvie Biełarusi. Abiedźvie jeduć na aŭtobusach MAZ. Adzin narod — taki rozny los»2
Kamientary