ZŠA ŭchvalili prodaž Tajvaniu rekordnaj partyi ŭzbrajeńnia — na 11 młrd dalaraŭ
Administracyja prezidenta ZŠA Donalda Trampa ŭchvaliła prodaž Tajvaniu rekordnaj partyi ŭzbrajeńniaŭ — na sumu 11,1 miljarda dalaraŭ. U pakiet, u pryvatnaści, uvajšli sistemy HIMARS, supraćtankavyja rakiety Javelin, bieśpiłotniki Altius, haŭbicy, a taksama kamplektujučyja da inšaha abstalavańnia, paviedamlaje Rasijskaja słužba Radyjo Svaboda.
Jak adznačaje ahienctva Reuters, abviaščeńnie pra prodaž zbroi adbyłosia na fonie ŭzmacnieńnia z boku Piekina vajennaha i dypłamatyčnaha cisku na Tajvań. U Dziarždepartamiencie ZŠA zajavili, što prodaž słužyć «nacyjanalnym intaresam, ekanomicy i biaśpiecy ZŠA». Taksama adznačajecca, što pastaŭki ŭzbrajeńnia Tajvaniu «buduć spryjać padtrymańniu palityčnaj stabilnaści, vajennaha bałansu i ekanamičnaha prahresu ŭ rehijonie».
Ministerstva abarony Tajvania ŭ svajoj zajavie vykazała padziaku ZŠA za prodaž zbroi, jakaja, pavodle viedamstva, dapamoža Tajvaniu zachavać «dastatkovyja mahčymaści dla samaabarony». U ministerstvie taksama dadali, što pakiet znachodzicca na stadyi razhladu ŭ Kanhresie ZŠA, jaki maje mahčymaść zabłakavać abo źmianić ździełku.
Ministerstva zamiežnych spraŭ Kitaja vystupiła z krytykaj prodažu ŭzbrajeńnia Tajvaniu. U viedamstvie zajavili, što heta parušaje dypłamatyčnyja damoŭlenaści pamiž Kitajem i ZŠA, nanosić surjoznuju škodu suvierenitetu, biaśpiecy i terytaryjalnaj cełasnaści Kitaja, a taksama padryvaje rehijanalnuju stabilnaść.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki37
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje10
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Kamientary