Biełarusa, abvinavačanaha ŭ padryvach ciahnikoŭ na BAMie, asudzili ŭ Rasii na 22 hady
Piać jon praviadzie ŭ turmie, astatniaje ŭ kałonii strohaha režymu.
2‑i Uschodni akruhovy vajskovy sud prysudziŭ 54‑hadovaha hramadzianina Biełarusi Siarhieja Jeramiejeva, abvinavačanaha pa spravie ab padryvach na BAMie, da 22 hadoŭ pazbaŭleńnia voli, ź jakich piać jon praviadzie ŭ turmie, a astatnija — u kałonii strohaha režymu, piša «Mieduza»
Sud vyrašyŭ, što Jeramiejeŭ «za hrašovuju ŭznaharodu ŭvajšoŭ u skład terarystyčnaj supolnaści». Jon atrymaŭ samarobnyja vybuchovyja pryłady i, prybyŭšy ŭ Buraciju, ustalavaŭ ich na vahonach-cysternach z dyzielnym palivam dvuch hruzavych ciahnikoŭ.
Padryvy na BAMie adbylisia ŭ kancy listapada 2023 hoda — adzin u Paŭnočnamujskim tuneli, druhi — na abjaznym šlachu. U vyniku vybuchaŭ zaharelisia vahony-cysterny i była paškodžana čyhunačnaja infrastruktura. Škoda acenienaja bolš jak u 102 miljony rubloŭ. Nieŭzabavie paśla vybuchaŭ byŭ zatrymany padazravany — hramadzianin Biełarusi Siarhiej Jeramiejeŭ. U sudzie jon tłumačyŭ, što chacieŭ paralizavać ruch na čyhuncy, kab pieraškodzić pieravozcy vajskovych hruzaŭ.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ7
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary