Uładź Łabkovič: My ŭžo nie hieroi, hieroi zaraz znachodziacca ŭ turmach
Vyzvalenyja palitviaźni pryjechali ŭ Vilniu. Pravaabaronca Uładź Łabkovič koratka pahavaryŭ z žurnalistami.
Najpierš jon padziakavaŭ tym, chto ŭdzielničaŭ u vyzvaleńni palitviaźniaŭ, asabliva ŭkrainski bok.
«My ŭsie ŭ takim vielmi-vielmi ŭzrušanym stanie. Chaču skazać vialiki dziakuj usim. Dziakuj za toje, što hetaja apieracyja była praviedziena. Paviercie, jana była na vielmi vysokim prafiesijnym i arhanizacyjnym uzroŭni.
Asabliva ja chaču pieradać u pieršuju čarhu vialiki dziakuj ukrainskamu HUR, jaki ŭziaŭsia za hetuju apieracyju i pravodziŭ jaje ŭ nadzvyčaj ciažkich umovach».
Jon kaža, što litaralna kožnyja dźvie hadziny, znachodziačysia va Ukrainie, jany spuskalisia ŭ bombaschoviščy.
«Tamu što Ukraina sapraŭdy vajuje, vajuje kožnuju chvilinu. I toje, što jany ździejśnili takuju humanitarnuju misiju — heta nadzvyčaj važna», — skazaŭ jon.
Na pytańnie pra samaadčuvańnie, jon skazaŭ, što adčuvaje siabie dobra pakul.
I skazaŭ, što nie budzie adkazvać na pytańni pra toje, što adbyvałasia ŭ Biełarusi —«chiba što ahulnymi rysami».
«Tamu što ja liču, što ŭ nas vielmi važny maralny abaviazak. My ŭžo nie hieroi. Hieroi zaraz znachodziacca za kratami, hieroi zaraz znachodziacca ŭ turmach. Hieroi siońnia iduć u ŠIZA, tamu što siońnia pracoŭny dzień, i ŭ abied buduć pracavać kamisii papraŭčych ustanoŭ, paśla jakich ludzi buduć iści ŭ ŠIZA.
Tamu nam vielmi-vielmi važna, kab jany jak maha chutčej viarnulisia dadomu. I tamu ja taksama budu stavicca z adkaznaściu da kožnaha svajho słova», — patłumačyŭ jon.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna4
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1111
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha11
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
Kamientary