U fejsbuku źjaviłasia infarmacyja pra toje, što ŭ rybhasie «Čyrvonaja Słabada» ŭ Salihorskim rajonie ŭ minułyja vychodnyja «ŭ hrupie z čaplami adznačana fłaminha». Praŭda, fatazdymku ptuški nie było.
Bierdvočary nakiravalisia va ŭkazanaje miesca, ale pakul vyjavić i sfatahrafavać ptušku nie zmahli.
Nakolki realny vizit fłaminha ŭ Biełaruś i što mahło pryvieści ptušak siudy, smartpress.by daviedałasia ŭ arnitołaha Alaksandra Vinčeŭskaha.
— Roznyja ptuški pastajanna zalatajuć da nas, u tym liku i fłaminha, u hetym niama ničoha dziŭnaha, — kaža ekśpiert. — Inšaja sprava, što ŭ Biełarusi ich redka rehistrujuć. Adziny raz byŭ u krasaviku 1961 hoda ŭ Niaśvižskim rajonie. Zatoje ich rehistrujuć u susiednich krainach, u tym liku na poŭnač ad našych šyrot — pad Maskvoj, u krainach Bałtyi. Prylatajuć hetyja ptuški i ŭ Hiermaniju, a ŭ apošnija hady pačali hniezdavacca na poŭdni Ukrainy ŭ Adeskaj vobłaści.
Pa słovach arnitołaha, kali ružovy fłaminha i haściavaŭ u «Čyrvonaj Słabadzie», chutčej za ŭsio, heta maładaja ptuška, jakaja zalacieła siudy na dzień-dva. Uletku klimat Biełarusi im całkam padychodzić, a niepraciahły vizit nie daje mahčymaści adčuć adsutnaść marskoj vady, u jakoj zvyčajna hetyja ptuški zdabyvajuć sabie ježu — drobnych rakapadobnych, maluskaŭ, ličynak nasiakomych.
Kamientary