Prarasijskija resursy zapuścili fejk pra Frydrycha Mierca i palavańnie na biełych miadźviedziaŭ
Fantazija rasijskaj prapahandy raśćvitaje ŭ mnostvie kirunkaŭ: ciapier prakramloŭskija fabryki fejkaŭ raspaŭsiudzili historyju pra fiederalnaha kanclera Hiermanii Frydrycha Mierca, jaki nibyta zastreliŭ biełuju miadźviedzicu, jaje dvuch dzicianiat i ciulenia padčas ekskluziŭnaha palavańnia ŭ Kanadzie, piša Bild.
Hetaja historyja była apublikavanaja na Toronto Journal — sajcie biez vychodnych danych, jaki, miarkujučy pa ŭsim, stvorany śpiecyjalna dla raspaŭsiudžu fejkavych navin. Usie «žurnalisty» na sajcie — heta fota, skradzienyja z realnaha kanadskaha vydańnia Toronto Star.
U videa pakazvajecca, vierahodna, zhienieravanaja z dapamohaj ŠI vyjava Frydrycha Mierca z palaŭničaj strelbaj, jaki staić na kaleniach pierad miortvym ciuleniem. Zatym demanstrujucca i miortvyja biełyja miadźviedzi. Taksama nibyta biarecca intervju ŭ žychara inuickaha pasiołka Korał-Charbar, dzie Mierc byccam by palavaŭ. Toj emacyjna havoryć, što jahonaja vioska — nie «hulniavaja placoŭka dla bahaciejaŭ», i što źniščeńnie žyvioł parušaje zakon.
Praŭda u hetaj historyi — tolki toje, što ŭ Korał-Charbary, nievialikim inuickim pasiołku na vostravie Saŭthiemptan na poŭnačy Kanady, sapraŭdy žyvie bahataja arktyčnaja fauna, uklučajučy biełych miadźviedziaŭ.
Pieršym pra fejk paviedamiŭ rasśledavalnicki partał Gnida, jaki rehularna vykryvaje rasijskija dezynfarmacyjnyja kampanii. Pa jaho danych, za historyjaj staić supołka Storm-1516. Hetaja samaja supołka ŭžo zapuskała fejkavyja kampanii suprać Alimpijskich hulniaŭ u Paryžy, kandydatki ŭ prezidenty ZŠA Kamały Charys, byłoha ministra zamiežnych spraŭ Hiermanii Analeny Bierbak i prezidenta Ukrainy Uładzimira Zialenskaha. Frydrych Mierc taksama raniej rabiŭsia ich mišeńniu — tady jamu prypisvali surjoznyja prablemy sa zdaroŭjem.
Niekalki amierykanskich ŚMI vyśvietlili, što klučavuju rolu ŭ hetym adyhryvaje niejki Džon Duhan — były namieśnik šeryfa z Fłarydy, jaki źbieh u Maskvu i, jak piša NewsGuard, staŭ «klučavoj fihuraj u hłabalnaj sietcy dezynfarmacyi Rasii».
«Jaŭrej-sijanist napaŭ na iranskaje dzicia». U tvitary isteryja vakoł fejkaŭ pra biełarusa, jaki napaŭ na chłopčyka ŭ maskoŭskim aeraporcie
Jak adklučeńnie internetu ŭ Iranie raptam raskryła suviaź Tehierana z šatłandskim sieparatyzmam
«A Śvieta to nie rada!». U publikacyi pra Cichanoŭskaha adpravili miryjady botaŭ i raspaŭsiudzili dypfejk
«Bajcy «Azova» praktykujuć achviaraprynašeńni». Praŭda?
Prapahandysty razhaniajuć fejk pra vydaleńnie artykuła pra Chatyń u Vikipiedyi
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?3
Kamientary