U Homieli mužčyna parezaŭ sabie šyju na prypynku, sam nie viedajučy navošta
U Homieli na prypynku «Vulica Pieniaźkova» zatrymali mužčynu, jaki sam sabie nanios ranieńni ŭ vobłaść šyi. Jak vyśvietliłasia, jon byŭ pad uździejańniem mocnych psichatropnych rečyvaŭ, piša haradski časopis «Biełka».
38-hadovy hamialčuk daŭno staić na ŭliku ŭ narkałahičnym dyspansiery i raniej šmatkroć sudziŭsia — u tym liku za złačynstvy, źviazanyja z narkotykami.
U toj dzień jon praź internet zamoviŭ miefiedron, zabraŭ «zakładku» i ŭvioŭ sabie rečyva ŭ padjeździe adnoj z novabudoŭlaŭ u rajonie homielskaj Šviedskaj Horki. Ale chutka zrazumieŭ, što heta byŭ nie miefiedron, a alfa-PVP — nadzvyčaj niebiaśpiečny sintetyčny narkotyk. Dalej jon ničoha nie pamiataje.
Praź niekatory čas mužčynu znajšli na prypynku, dzie jon užo rezaŭ siabie nažom. Pry asabistym dahladzie milicyja vyjaviła reštki taho ž narkotyku. Mužčynu abvinavacili ŭ niezakonnym nabyćci, zachoŭvańni i pieravozcy psichatropnych rečyvaŭ biez mety zbytu — jamu pahražaje da 5 hadoŭ pazbaŭleńnia voli.
Alfa-PVP — heta mocny sintetyčny stymulatar, jaki chutka vyklikaje zaležnaść i moža pryvieści da psichozaŭ, halucynacyj i niebiaśpiečnaj ahresii. Ludzi pad jaho dziejańniem časta pavodziać siabie nieadekvatna i niebiaśpiečna jak dla siabie, tak i dla inšych.
Ciapier čytajuć
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami4
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary