Ekanomika55

Karanik prapanavaŭ pravodzić suprać padziažu žyvioły «palityku NEP»

U apošnija hady ŭ Biełarusi fiksujecca histaryčna najvyšejšy, jak kazaŭ sam Alaksandr Łukašenka, padziež bujnoj rahataj žyvioły. U 2024 hodzie zahinuła amal 148 tysiač hałoŭ, a za pieršyja čatyry miesiacy 2025 hoda — užo 52 tysiačy. Pryčyny hetaj situacyi 7 lipienia abmierkavali pradstaŭniki Minsielhascharču i Akademii navuk.

Fota ilustracyjnaje

Staršynia Prezidyuma NAN Biełarusi Uładzimir Karanik adznačyŭ, što ničoha «katastrafičnaha» nie adbyłosia.

Pavodle jaho, rost ličbaŭ źviazany nie tolki z realnym pavieličeńniem padziažu, ale i z tym, što ciapier bolš dakładna viadziecca ŭlik dziakujučy novaj infarmacyjnaj sistemie, a taksama vyjaŭleńniu schavanaha padziažu, jaki raniej maskiravali, naprykład, pad prodaž miasa nasielnictvu.

Pavodle słoŭ pieršaha namieśnika dyrektara Departamienta vieterynarnaha i charčovaha nahladu Minsielhascharču Kiryły Hłuščanki, zdaroŭje žyvioły trymajecca na troch «kitach»

  • Karmleńnie;
  • Umovy ŭtrymańnia;
  • Dohlad, uklučajučy vieterynarny nahlad i prafiłaktyku.

Parušeńnie choć adnaho z hetych punktaŭ viadzie da prablem. Asabliva adčuvalny da drennaha dohladu maładniak, na jaki prypadaje da 40% usiaho padziažu.

Asnoŭnyja pryčyny padziažu, darečy, adroźnivajucca ŭ zaležnaści ad rehijonu. Tak, u Mahiloŭskaj i Homielskaj abłaściach prablema časta źviazanaja ź nizkaj jakaściu karmoŭ.

U toj ža čas u zachodnich Bresckaj i Hrodzienskaj abłaściach vinavataja nibyta vysokaja pradukcyjnaść žyvioły. Naprykład, u hetych rehijonach siarednija nadoi składajuć bolš za 7,5 tysiač litraŭ małaka na karovu ŭ hod, i heta taksama nahruzka na arhanizm žyvioły.

Uładzimir Karanik dadaŭ, što pry takoj intensiŭnaj žyviołahadoŭli patrebnyja novyja padychody da zachavańnia zdaroŭja statka.

U śfiery vieterynarnaha absłuhoŭvańnia, pa słovach Karanika, u Biełarusi dastatkova śpiecyjalistaŭ, ale nie zaŭsiody efiektyŭna vykarystoŭvajucca ich mahčymaści. Asabliva ŭ słabych haspadarkach, dzie śpiecyjalisty atrymlivajuć nizkija zarobki, što ŭpłyvaje na jakaść dohladu.

Taksama Karanik padkreśliŭ, što ŭ adnosinach da maładniaku hałoŭnaje — heta «naviadzieńnie elemientarnaha paradku», što jon nazvaŭ «palitykaj NEP».

Kamientary5

  • Tutejšy
    09.07.2025
    Vova, heta tak nie pracuje.Usie na advarot - kab pradać miasa nasielnictvu treba aformić padziež žyvioły. Tady usie ekanamična abhruntavana: žyvioł śpisali, miasa pradali, hrošy atrymali. Ale chiba što staršynia prezidyuma NAN pravodziŭ navukovyja daśledavańni...
  • Josik
    09.07.2025
    Treba za niemaŭla BRB zamacoŭvać adrazu čynoŭnika, kab dahladaŭ. Heta, navat, nie NEP, a najnovyNEP. U krainie, dzie dyjahnaz šyzafrenija razhladajecca, jak vyšejšy za Boha, pavinna pryžycca.
  • daviedka
    10.07.2025
    Karanik błahodaria bratu riešił zadiełaťsia piervych nepmanom pri Łukašienko?!

Ciapier čytajuć

Ihar Tur patraciŭ minimum 30 tysiač na premijalnuju kuchniu FOTA29

Ihar Tur patraciŭ minimum 30 tysiač na premijalnuju kuchniu FOTA

Usie naviny →
Usie naviny

Asudzili za «sadziejańnie ekstremizmu» byłoha dyrektara škoły

Vučonyja znajšli ahromnistaje radovišča zołata, jakoje źmiaščaje 99,999% usiaho zołata płaniety8

U Polščy adbyłosia DTZ z aŭtobusam, poŭnym biełarusaŭ2

Makron zajaviŭ pra hatoŭnaść adpravić va Ukrainu 50 tysiač vajskoŭcaŭ5

U Navahrudku padpisali damovu ab stvareńni Biełaruskaha muzieja Chałakostu4

Zastreleny ŭ Kijevie pałkoŭnik SBU kiravaŭ hrupaj, jakaja likvidavała «Matarołu»1

Kanapackaja jedzie ŭ Litvu na aŭtobusie padavać zajavu ŭ Departamient dziaržbiaśpieki FOTAFAKT66

Pamierła Iryna Jaskievič

«A mianie mienš za ŭsio turbuje, ci zahavoryć Siarhiej Cichanoŭski pa-biełarusku»212

bolš čytanych navin
bolš łajkanych navin

Ihar Tur patraciŭ minimum 30 tysiač na premijalnuju kuchniu FOTA29

Ihar Tur patraciŭ minimum 30 tysiač na premijalnuju kuchniu FOTA

Hałoŭnaje
Usie naviny →

Zaŭvaha:

 

 

 

 

Zakryć Paviedamić