Zatrymanuju ŭ Varšavie na zapyt Interpała biełarusku na radzimu nie ekstradujuć
11 lipienia varšaŭskaja palicyja paviedamiła pra zatrymańnie hramadzianki Biełarusi na padstavie «čyrvonaj noty» Interpała. Na radzimie žančynu abvinavačvajuć u finansavych machinacyjach. Adnak ekstradavać biełarusku nie buduć, paviedamili «Biełsatu» u Akruhovaj prakuratury Varšavy i rastłumačyli, čamu.
54-hadovuju hramadzianku Biełarusi zatrymali ŭ kvatery ŭ varšaŭskim rajonie Žalibaž. Žančynu šukali pavodle «čyrvonaj noty» Interpała na zapyt biełaruskich siłavikoŭ. Na radzimie žančynu abvinavačvajuć u finansavych machinacyjach.
Paviedamlałasia, što biełarusku majuć ekstradavać, adnak pres-sakratar Akruhovaj prakuratury Varšavy Piotr Antoni Skiba skazaŭ «Biełsatu», što hetaha nie budzie. Jon rastłumačyŭ, što ŭ Biełarusi nie harantavanaje vykanańnie zakonaŭ i spraviadlivy sud u dačynieńni asoby, jakuju šukajuć na padstavie «čyrvonaj noty» Interpału. Pry hetym isnujuć sumnievy ŭ dakładnaści infarmacyi, što biełaruskija ŭłady pieradajuć u Interpał:
«U źviazku z tym, što zachavańnie prava na sudovy kantrol za pazbaŭleńniem voli źjaŭlajecca fundamientalnym pryncypam, što dziejničaje ŭ pravavoj dziaržavie, ekstradycyja ŭ krainu, jakaja hetaha pryncypu nie vykonvaje, niedapuščalnaja».
Takim čynam, zatrymanuju ŭ Varšavie biełarusku na radzimu nie paviazuć.
«Kali ekstradycyi ŭ Biełaruś niama, to brakuje padstaŭ dla pazbaŭleńnia asoby voli na terytoryi Respubliki Polšča, u tym liku časovaha aryštu dla zabieśpiačeńnia pracedury ekstradycyi», — dadaŭ Skiba, adznačyŭšy, što, kali biełarus ździejśnić złačynstva ŭ Polščy, departacyja niepaźbiežnaja.
«U dačynieńni asobaŭ, jakija ździejśnili złačynstvy na terytoryi Polščy i majuć biełaruskaje hramadzianstva, u Pamiežnuju słužbu pieradajucca chadajnictvy nakont departacyi i nakładańnia zabarony na ŭjezd u Šenhienskuju zonu», — zajaviŭ pradstaŭnik Akruhovaj prakuratury Varšavy.
Ciapierašnija ŭłady Biełarusi złoŭžyvajuć mahčymaściami Interpołu dziela zatrymańnia palityčnych apanientaŭ u śviecie. Adzin z samych viadomych apošnich prykładaŭ — historyja režysiora Andreja Hniota, jakoha zatrymali ŭ Sierbii na zapyt arhanizacyi i płanavali ekstradavać na radzimu. Urešcie vialikimi vysiłkami ŭdałosia damahčysia jahonaha vyzvaleńnia. Interpał pryznaŭ, što sprava Hniota maje palityčnuju padkładku, i vykraśliŭ jaho z «čyrvonaha śpisu».
U Varšavie biełarusku zatrymali na padstavie zapytu Interpała
Łukašysty sprabujuć dabicca vydačy im biełarusaŭ praź Interpał, paznačajučy niepalityčnyja artykuły
U Varšavie zatrymali biełarusa, jaki znachodziŭsia ŭ vyšuku Interpała
Stała viadoma imia treciaha čałavieka, abvieščanaha Interpałam u vyšuk praz pasadku ŭ Minsku samalota Ryanair
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1818
Kamientary