U Litvie źbirajucca abmiežavać biełarusam mahčymaść kupli nieruchomaści
U Litvie ŭzhadnili prapanovu abmiežavać hramadzianam Biełarusi nabyćcio nieruchomaści pobač z vajskovymi terytoryjami i inšymi abjektami, važnymi dla nacyjanalnaj biaśpieki. Pra heta paviedamiŭ ministr zamiežnych spraŭ Kiastucis Budrys.
Pavodle słoŭ litoŭskaha ministra, takija miery pavinny źnizić mahčymyja ryzyki dla pracy stratehičnych abjektaŭ. Abmiežavańni płanujecca ŭvieści jak dla hramadzian Biełarusi, tak i dla hramadzian Rasii.
Prapanovu pa biełarusach uklučyli ŭ pieralik zakonaprajektaŭ, jakija Siejm Litvy pavinien razhledzieć vosieńniu. Jaje razhlad prapanujecca pravieści ŭ listapadzie.
Pry hetym dla rasijan abmiežavańni na kuplu nieruchomaści ŭžo dziejničajuć, ale jany nie źviazanyja niepasredna z raźmiaščeńniem žylla kala stratehičnych abjektaŭ.
Ciapier hramadzianie Rasii biez dazvołu na žycharstva abo stałaha miesca žycharstva ŭ Litvie nie mohuć nabyvać nieruchomaść. Na tych, chto maje adpaviednyja dakumienty na pražyvańnie, hetaja zabarona nie raspaŭsiudžvajecca.
Dla hramadzian Biełarusi ahulnaha anałahičnaha abmiežavańnia pakul niama: jany mohuć kuplać kvatery ŭ Litvie navat bieź litoŭskaha dazvołu na žycharstva. Novaja prapanova pavinna źmianić hetuju situacyju ŭ dačynieńni da nieruchomaści kala abjektaŭ, važnych dla nacyjanalnaj biaśpieki.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary
kala vajskovych abjektaŭ chočuć žyć chiba tolki ahienturnyja malčyki v trusikach