23‑hadovy Katana z Kareličaŭ źnik pad Kupianskam. Maci zapisvaje adčajnyja, ale marnyja videazvaroty
Uładzisłaŭ Ułasievič pajšoŭ na front apierataram dronaŭ.
Uładzisłaŭ Ułasievič, pa źviestkach ź jahonych sacsietak, naradziŭsia ŭ miastečku Kareličy. Jašče ŭ 2024 hodzie jon vioŭ zvyčajnaje žyćcio maładoha chłopca: hulaŭ u kampjutarnyja hulni pad nikam Katana, šukaŭ padpracoŭki i žyŭ u maskoŭskim rehijonie, pieryjadyčna źjaŭlajusia ŭ łakalnych čatach svajho padmaskoŭnaha ŽK.
U 2025 hodzie chłopiec padpisaŭ kantrakt z rasijskaj armijaj i apynuŭsia ŭ akopach.
Na vajnie biełarus uziaŭ sabie ŭ jakaści pazyŭnoha hulniavy nik «Katana». Ułasievič słužyŭ małodšym siaržantam u 153‑m tankavym pałku 47‑j dyvizii (tak zvanaja «pieršaja łuhanskaja rota»). Na fota ź pieradavoj jon paziravaŭ z raźviedvalnym kvadrakoptaram.
U sakaviku 2026 hoda padraździaleńnie chłopca stajała kala siała Piasčanaje na Kupianskim kirunku.
13 sakavika jon apošni raz źviazaŭsia ź siamjoj i papiaredziŭ, što idzie na vychad biez suviazi, a z 21 sakavika aficyjna ličycca źnikłym bieź viestak.
Ciapier jaho maci Hanna Kuprevič zapisvaje adčajnyja videazvaroty da sasłužyŭcaŭ z nadziejaj daviedacca choć niešta, bo ŭ vajskovaj čaści №18425 joj z taho času ničoha nie kažuć.
Usiaho ŭ składzie rasijskaj armii na zachopnickaj vajnie va Ukrainie zahinuła ci prapała bieź viestak užo bolš za 500 biełarusaŭ, spakušanych abiacańniami lohkaha zarobku. Jak padličyli vajennyja ekśpierty, siaredni čas žyćcia rasijskaha najomnika na froncie składaje niekalki miesiacaŭ, a ŭ šturmavych padraździaleńniach — niekalki tydniaŭ.
Ekśpierty padličyli, što ŭsiaho Rasija za čatyry hady vajny straciła kala 400 tysiač vajskoŭcaŭ zabitymi, bolš za miljon byli paranienyja.
«Naša Niva» — bastyjon biełaruščyny
PADTRYMAĆ31‑hadovy rasijanin akruciŭ 17‑hadovuju biełarusku. Finał historyi strašny: turma za narkotyki, śmierć dziciaci, «SVA» i skradzienyja hrabavyja
Dva aŭtobusy biełarusaŭ pavieźli ŭ Maskvu na chresny chod z moščami Danskoha na čale z patryjarcham Kiryłam
«Mierkavana, zahinuŭ. Evakujavać niemahčyma». Minski adździełačnik Alaksiej nie vierniecca z vajny suprać Ukrainy
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary