Vilejski chlebazavod prapanuje budučym baćkam niedarahi sposab adznačyć hiendar-paci i daviedacca poł dziciaci. Śpiecyjalny tort upryhožvajuć kremam ružovaha abo błakitnaha koleru: ružovy aznačaje dziaŭčynku, a błakitny — chłopčyka, piša «Anłajnier».
Zakazać taki desiert možna ŭ firmovaj kramie chlebazavoda «Vodar chleba» ŭ Vilejcy. Košt składaje 22,89 rubla za kiłahram. Dastupnyja tarty vahoj 1, 1,5 i 2 kiłahramy.
Za asnovu ŭziali ŭžo znajomy pradpryjemstvu miadovy tort «Moj dzień». Jon składajecca ź miadovych karžoŭ, prapitanych lohkim kremam sa zhuščanym małakom. Mienavita krem i afarboŭvajuć u ružovy ci błakitny koler. Na smak heta nijak nie ŭpłyvaje.
Dla torta raspracavali śpiecyjalnaje afarmleńnie, ale pry žadańni možna zakazać i indyvidualny malunak, kali prynieści prykład vyjavy.
Tradycyja ładzić śviatočnyja viečaryny z nahody vyznačeńnia połu dziciaci pryjšła z ZŠA i stała papularnaj u Biełarusi ŭ apošnija niekalki hadoŭ. Ideja atrymała šyrokaje raspaŭsiudžańnie dziakujučy sacyjalnym sietkam.
«Vilejski chlebazavod» źjaŭlajecca filijałam «Barysaŭskaha kambinata chlebapraduktaŭ». Raniej pradpryjemstva taksama prasłaviłasia chlebam z praroščanaj fijaletavaj pšanicy.
Dva chlebazavody stali vypuskać chleb ź fijaletavaj pšanicy
U Hancavičach pačnuć vypuskać novy dla Biełarusi vid snekaŭ
Minčanka ŭhledzieła ŭ chlebie klipsu ad upakoŭki
«Vodar» i «Smačny»: na ŭpakoŭkach pišuć, što na zakvascy, a jany na draždžach
Bačyli siamju na ŭpakoŭcy viadomaha batona? Ich adšukali ŭ Threads
Ciapier čytajuć
Ź psichbalnicy źbieh były načalnik Hancavickaj milicyi14
Ź psichbalnicy źbieh były načalnik Hancavickaj milicyi
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary