Viadoŭca ranišniaha šou «Obyčnoje utro» Kanstancin Kavieryn u novym vypusku TOKu raskazaŭ, čamu nie choča viartacca ŭ Biełaruś, ci sumuje pa Minsku i kudy ŭsio ž chacieŭ by pryjechać.
«Ja nie chaču viartacca. Ja i tudy nie viarnusia nikoli. Tamu što ja nie chaču chadzić pa adnych vulicach z hetymi ŭpyrami, jakija bili, źbivali, hvałtavali ludziej.
Ja nie chaču chadzić pa adnych vulicach, siadzieć za susiednim stolikam u kaviarni ź ludźmi, jakija pahražali baćkam adabrać dziaciej. Ja hetaha nie chaču», — zajaviŭ Kavieryn u razmovie.
Nastaśsia Roŭda zaŭvažyła, što takich ludziej absalutnaja mienšaść i ź imi možna ŭvohule nikoli nie pierasiekčysia.
«Nu nie. Ja nie chaču ŭsiaho hetaha. Ja nie chaču vyšukvać, pytacca. Voś my ŭviečary sadzimsia ŭ kaviarni, za susiednim stolikam siadziać dva paholenyja chłopcy. Ja nie chaču [pytacca]: «Chłopcy, vy ŭ AMAPie słužyli, nie słužyli?» Ja hetaha nie chaču, prosta nie chaču.
I im budzie lahčej žyć bieź mianie, i mnie budzie lahčej žyć bieź ich», — adkazaŭ Kavieryn.
Kanstancin zapeŭniŭ, što dla siabie hetaje pytańnie vyrašyŭ ćviorda. Kali źjavicca mahčymaść, jon pryjedzie ŭ Biełaruś, kab naviedać mohiłki. Ale nie dumaje, što takaja mahčymaść źjavicca chutka.
«Kali ja dažyvu da hetaj mahčymaści, viadoma, źjezdžu. Ale nie… Žyć ja budu tut».
Na pytańnie Roŭdy, ci sumuje jon pa Minsku, Kavieryn adkazaŭ, što nie.
«Nie, voś ščyra. Pa Minsku — nie. Ja sumuju pa svaim maleńkim haradku Hłybokaje».
U horad, u jakim jon vyras, pavodle słoŭ Kanstancina, jon by źjeździŭ «na paru dzion, na tydzień».
«Adpačynak pravieści — i ŭsio. I nazad», — zapeŭniŭ Kavieryn.
Kanstancin Kavieryn — žurnalist i šoŭmien. Raniej jon vioŭ zabaŭlalnyja prahramy na BT, pracavaŭ viadoŭcam na radyjo Unistar i dyktaram na «Barysaŭ-Arenie». U 2020‑m asudziŭ hvałt siłavikoŭ i katavańni na Akreścina, vykazaŭ svajo zachapleńnie stojkaściu biełaruskich žančyn. Praz palityčnuju pazicyju Kavieryn straciŭ pracu na radyjo i ŭ BATE. Letam 2022 hoda jon razam ź siamjoj źjechaŭ ź Biełarusi ŭ Varšavu, dzie ciapier žyvie i viadzie jutub-šou «Obyčnoje utro».
«Majo žyćcio — taksama sucelnyja kampramisy». Kanstancin Kavieryn — pra biaśsille, BATE i svoj sposab nie ŭpaści ŭ depresiju
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža
Biełaruski žurnalist zaklikaŭ bić artyleryjaj pa Drazdach, a nie tarhavacca
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj43
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary