Kiroŭcy aŭtobusaŭ časta admaŭlajucca vieźci ŭ Biełaruś ukraincaŭ. Ci zakonna heta?
Ukraincam usio čaściej admaŭlajuć u pasadcy na aŭtobusy z Polščy ŭ Biełaruś. Kampanija «Mira Bus», na jakuju skardzilisia pasažyry, śćviardžaje, što pieravozić ukraincaŭ biez prablem, ale ŭ realnaści na vakzale «Varšava-Zachodniaja» žurnalisty nazirali vypadki, kali ludziej z ukrainskimi pašpartami nie puskali ŭ aŭtobus, spasyłajučysia na mahčymyja ciažkaści na miažy, piša «Biełsat».
Niekatoryja kiroŭcy tłumačyli admovu ŭ pieravozcy tym, što nibyta źmianilisia zakony i bieź bijamietryčnaha pašparta ŭ Biełaruś ukraincaŭ nie prapuściać.
Adnak ukrainskija ambasady ŭ Polščy i Biełarusi paviedamili, što ničoha nie čuli pra novyja praviły i paćvierdzili, što hramadzianie Ukrainy majuć prava na ŭjezd, u tym liku sa zvyčajnym zamiežnym pašpartam.
Pry hetym na samoj miažy ŭ ich mohuć uźniknuć prablemy: biełaruskija siłaviki praviarajuć telefony i sacsietki, patrabujuć pakazvać miesiendžary, navat kali heta niezakonna. Ludziej mohuć nie puścić u krainu biez tłumačeńnia pryčyn abo padvierhnuć doŭhim dopytam. Havorycca taksama, što časam pravierki ciahnucca pa niekalki hadzin.
Usio čaściej u internet-čatach ludzi paviedamlajuć, što kiroŭcy sami vybirajuć, kaho im brać u aŭtobus, u zaležnaści ad pašparta. Choć hetaje rašeńnie pavinny prymać pamiežniki, a nie pieravozčyki — takija admovy ličacca dyskryminacyjnymi i niezakonnymi. U vypadku admovy ŭ pasadcy možna patrabavać aficyjnuju matyvacyju, skardzicca ŭ adpaviednyja orhany abo źviartacca ŭ sud.
Uvohule ž situacyja na miežach ciapier zastajecca składanaj — čerhi vialikija, asabliva na pierachodzie Terespal — Brest, dzie čakańnie moža ciahnucca ad 7 da 11 hadzin. Praŭda, tak nie ŭsiudy. Na miažy ź Litvoj situacyja lepšaja, a na łatvijskaj miažy čerhi ŭvohule ŭźnikajuć redka.
Ceny na kvitki ŭ Vilniu ŭražvajuć. Čamu dabracca da Litvy našmat daražej, čym da Varšavy i Maskvy
Biełarusy ciapier mohuć anłajn adsočvać, dzie znachodzicca mižnarodny aŭtobus
Praściej źlatać u Aziju: biełaruska raspaviała, jak dabirałasia z Hrodna ŭ Biełastok
«Mamu trymali prosta ŭ jamie, maryli hoładam». Historyi ŭkrainak, vykradzienych rasiejcami sa svaich damoŭ
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary
Poetomu i nie bierut s tovarom i nie poniatnym bekhraundom.