Rodnyja 68-hadovaj Aleny Hnaŭk užo bolš za hod nie atrymlivajuć ad jaje listoŭ
Rodnyja 68-hadovaj palitźniavolenaj Aleny Hnaŭk bolš za hod nie atrymlivajuć ad jaje zvankoŭ i listoŭ. Pra heta raspavioŭ jaje syn u instahramie.
«Da hetaha času niama nijakaj infarmacyi ad našaj mamy — Aleny Hnaŭk. My nie atrymlivajem listoŭ, nie viedajem, dzie jana i ŭ jakim stanie. U jaje prablemy sa zdaroŭjem, i ź ciapierašnim režymam my nie viedajem, ci vyjdzie jana paśla ciapierašniaha terminu. Jana bolš za hod u izalacyi, bieź listoŭ, zvankoŭ i suviazi z vonkavym śvietam. Nam nie kažuć, što ź joj. My prosta moŭčki čakajem», — napisaŭ jon.
Alenu Hnaŭk, aktyvistku z Pružan, sudzili ŭžo čatyry razy. Pieršy raz jaje asudzili na dva hady «chatniaj chimii» pa tak zvanaj «karahodnaj spravie» u Bieraści. Paśla — jašče na adzin hod abmiežavańnia voli biez nakiravańnia ŭ karnuju ŭstanovu za «abrazu Łukašenki».
U 2022 hodzie Hnaŭk zatrymali, aryštavali na 15 sutak za «parušeńnie režymu adbyćcia pakarańnia» i zaviali kryminalnuju spravu pavodle dvuch artykułaŭ: 367 (paklop na Łukašenku) i 369-1 (dyskredytacyja Respubliki Biełaruś). Pavodle hetaj spravy žančynie prysudzili 3,5 hady kałonii ahulnaha režymu.
Užo ŭ kałonii na palitźniavolenuju zaviali novuju kryminalnuju spravu — hetym razam za «niepadparadkavańnie patrabavańniam administracyi karnaj ustanovy». U vyniku joj prysudzili jašče hod źniavoleńnia i etapavali z homielskaj kałonii ŭ Zarečča.
-
Bolš za 13 tysiač minskich vypusknikoŭ sabrali na «Minsk-Arenie». Słuchali Lošu Śvika FOTY
-
«Nie bačyła nivodnaha smažanaha sabaku». Biełaruska raskazała, jak adpačyła ŭ Vjetnamie
-
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary