«My pavinny być hatovyja»: Naŭsieda zajaviŭ pra mahčymaść udziełu Litvy ŭ abaronie Ukrainy
Litva moža adpravić svaich vajskoŭcaŭ va Ukrainu. Prezident krainy Hitanas Naŭsieda padkreśliŭ, što heta adbudziecca tolki pry adpaviednych umovach i na ŭmovach, vyhadnych Ukrainie i Jeŭropie.
Prezident Litvy Hitanas Naŭsieda, jaki ŭdzielničaŭ u dystancyjnym pasiadžeńni «Kaalicyi aktyvistaŭ», zajaviŭ, što krainy, jakija dałučylisia da inicyjatyvy, pavinny być hatovyja razharnuć uzbrojenyja siły dla zabieśpiačeńnia biaśpieki va Ukrainie, piša LRT.
Jon skazaŭ heta paśla sustrečy, što adbyłasia ŭ sieradu, na jakoj lidary dziaržaŭ abmierkavali situacyju va Ukrainie i budučuju sustreču prezidentaŭ ZŠA i Rasii.
«My pavinny być hatovyja razharnuć siły dla zabieśpiačeńnia biaśpieki va Ukrainie, jak tolki dla hetaha buduć stvorany adpaviednyja ŭmovy», — pryvodzić jaho słovy pres-słužba.
Pa słovach Naŭsiedy, Litva hatova zrabić svoj układ u abjadnanyja siły, daŭšy vajskoŭcaŭ i mahčymaści dla vajennaj padrychtoŭki.
Jak adznačaje prezident Litvy, vajna Rasii suprać Ukrainy, jakaja praciahvajecca ŭžo čatyry hady, akazvaje istotny ŭpłyŭ na situacyju ź biaśpiekaj va ŭsioj Jeŭropie, tamu namahańni pa spynieńni bajavych dziejańniaŭ vitajucca, ale tolki na ŭmovach, vyhadnych Ukrainie i Jeŭropie.
Pa słovach Naŭsiedy, važna, kab pytańnie ab miry nie vyrašałasia biez udziełu Ukrainy, tamu prezident hetaj krainy Uładzimir Zialenski taksama pavinien udzielničać u budučych sustrečach.
Kiraŭnik Litvy adznačaje, što nielha patrabavać ad Ukrainy zdačy svaich terytoryj, takoje patrabavańnie nie moža być papiaredniaj umovaj dla dasiahnieńnia spynieńnia ahniu.
«Usieabdymnaje spynieńnie ahniu biez papiarednich umoŭ źjaŭlajecca najvažniejšaj umovaj pierad pačatkam lubych realnych pieramovaŭ», — zajaviŭ Naŭsieda.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
[Zredahavana]