Biełarusy ŭ Litvie stali značna čaściej atrymlivać pašpart zamiežnika
Ź vieraśnia 2023 hoda ŭ biełarusaŭ za miažoj źnikła mahčymaść atrymlivać novyja pašparty praz ambasady, tamu popyt na pašpart zamiežnika ŭ Litvie vyras u niekalki razoŭ.
Zhodna z danymi Departamienta mihracyi Litvy, u 2023 hodzie, kali bolšuju častku hoda biełarusy mahli rabić novyja pašparty praz ambasadu, hramadzianam Biełarusi było vydadziena ŭsiaho 36 pašpartoŭ zamiežnika.
U 2024 hodzie hetaja kolkaść užo skłała 155.
Pa kolkaści atrymalnikaŭ pašpartoŭ zamiežnika hramadzianie Biełarusi letaś zaniali pieršaje miesca. Na druhim — hramadzianie Rasii (25), na trecim — Afhanistana (16).
U toj ža čas kolkaść atrymalnikaŭ pašparta ŭciekača, naadvarot, źniziłasia — z 215 u 2023 hodzie da 112 u 2024-m. Tym nie mienš, i tut biełarusy zajmajuć pieršaje miesca, pryčym ź vialikim adryvam.
Na druhim miescy pa kolkaści vydadzienych pašpartoŭ uciekača ŭ Litvie ŭ 2024 hodzie byli afhancy (33), na trecim — rasijanie (31).
Čym adroźnivajucca hetyja dakumienty?
Na pašpart zamiežnika ŭ Litvie mohuć pretendavać inšaziemcy ź lubym typam DNŽ — jak časovym, tak i pastajannym. Padstava jaho vydačy značeńnia nie maje. Hałoŭnaje — mieć abjektyŭnyja pryčyny, praź jakija ŭ čałavieka niama mahčymaści abnavić pašpart u krainie hramadzianstva.
Dakumient vydajuć na toj ža termin, što i DNŽ: na 2—3 hady — pry časovym, i na 5 hadoŭ — pry pastajannym.
Na pašpart uciekača mohuć pretendavać zamiežniki, jakija majuć adpaviedny status. Takim ludziam Litva vydaje pastajanny dazvoł na pražyvańnie na 5 hadoŭ, i na taki ž termin jany mohuć atrymać pašpart uciekača.
-
Z Mjanmy na radzimu viarnułasia biełaruska, jakuju tam prymusova ŭtrymlivali
-
Statkievič — amierykanskamu dypłamatu na miažy: Vam patrebny tolki dobry pijar, a ja dziela hetaha pavinien admovicca ad radzimy?
-
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj
Ciapier čytajuć
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru2
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary