Na jakim miescy Biełaruś pa chutkaści mabilnaha internietu ŭ śviecie
Biełarusy niaredka skardziacca na mabilny internet. Apieratary na heta adkazvajuć, što ŭsio ŭ ich narmalna. A voś što havorać ličby i suśvietny rejtynh.
Kampanija Ookla, viadomaja pa teście Speedtest, abnaviła danyja pa siaredniaj chutkaści internetu ŭ śviecie, apublikavaŭšy infarmacyju pa vynikach lipienia 2025 hoda, zaŭvažyŭ Onliner.
Na hłabalnym uzroŭni miedyjannaja chutkaść mabilnaha internetu skłała krychu bolš za 90 Mbit/s na zahruzku i značna bolš ścipłyja 13 Mbit/s na addaču.
Lidzirujuć u rejtynhu AAE z pakazčykam 584,97 Mbit/s, u trojcy taksama Katar (507,47 Mbit/s) i Kuviejt (413,57 Mbit/s). Hetyja rehijony nie źmianili svaich pazicyj u paraŭnańni ź minułym spravazdačnym pieryjadam. Cikava, što Paŭdniovaja Kareja, jakaja kaliści zajmała pieršyja miescy, ciapier znachodzicca tolki na siomym miescy (225,29 Mbit/s).
Biełaruś u rejtynhu mabilnaha internetu Speedtest zajmaje 103-ju pazicyju ź miedyjannym pakazčykam 17,73 Mbit/s.
A zamykaje śpis z 104 pazicyj Balivija z vynikam 14,70 Mbit/s. Dla paraŭnańnia, u Minsku siaredniaja chutkaść mabilnaha internetu, pavodle spravazdačy, składaje 34,04 Mbit/s.
U siehmiencie fiksavanaha internetu pieršaje miesca zajmaje Sinhapur (386,96 Mbit/s), za im iduć Čyli (332,41 Mbit/s) i Hankonh (324,97 Mbit/s).
Biełaruś u hetym śpisie znachodzicca na 90-j pazicyi (78,43 Mbit/s), a Minsk ź miedyjannaj chutkaściu 85,64 Mbit/s — na 108-m miescy.
Adznačajecca, što danyja Speedtest nosiać aryjencirovačny charaktar, pakolki zamiery chutkaści internetu robiać daloka nie ŭsie karystalniki mabilnaha i fiksavanaha internetu.
Ciapier čytajuć
Stancyju mietro na praśpiekcie Pieramožcaŭ pieradumali budavać?5
Kamientary