У Італіі затрымалі падазраванага ў дыверсіі на «Паўночных патоках» — грамадзяніна Украіны
Пра затрыманне ў італьянскай правінцыі Рыміні паведаміла нямецкая пракуратура. Падазраванага збіраюцца экстрадаваць у Германію, піша Bild.
Па версіі следства, грамадзянін Украіны Сяргей К. быў адным з каардынатараў групы, якая ў верасні 2022 года заклала на трубаправодах «Паўночны паток» у Балтыйскім моры выбухоўку.
Як лічыць абвінавачванне, дыверсанты выйшлі з порта Ростака на яхце. Яе дыверсанты арандавалі па падробленых дакументах у нямецкай кампаніі. Выбухоўку заклалі каля вострава Барнхольм.
Сяргея К. чакае экстрадыцыя ў Германію, дзе і адбудзецца суд.
У 2024 годзе суд у Германіі выдаў першы ордэр на арышт па справе аб падрыве газаправодаў. Падазраваным быў іншы грамадзянін Украіны — Уладзімір. Але яго не арыштавалі ў Польшчы, дзе ён тады жыў. Журналістам ён сказаў, што да выбухаў недатычны.
Выбухі на «Паўночным патоку» і «Паўночным патоку — 2» адбыліся 26 верасня 2022 года. У выніку выбухаў былі пашкоджаныя тры з чатырох нітак газаправодаў. Расследаванне праводзілася праваахоўнымі органамі адразу некалькіх краін, уключаючы Германію.
Як пісала Deutsche Welle, расследаванні нямецкіх СМІ указывалі на тое, што ў аперацыі па выбуху ўдзельнічалі шэсць украінскіх вайскоўцаў і некалькі цывільных асоб.
Мяркуецца, што некаторыя з групы ў мінулым мелі сувязі з ЦРУ ЗША. Рэалізацыю нібыта падтрымліваў Валерый Залужны, які тады быў на пасадзе галоўнакамандуючага УСУ.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос20
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары
Грамадзянскіх? :) Можа, цывільных?.