«Navat u dumkach nie było». U Kramli zajavili, što Pucin, Si i Kim nie plali zmovu suprać ZŠA
Lidary Rasii, Kitaja i KNDR nie stroili «zmovu suprać ZŠA», sabraŭšysia na vajennym paradzie ŭ Piekinie z nahody 80‑hodździa zakančeńnia Druhoj suśvietnaj vajny, zajaviŭ pamočnik rasijskaha prezidenta Juryj Ušakoŭ.
Tak jon adreahavaŭ na słovy amierykanskaha prezidenta Donalda Trampa, jaki abvinavaciŭ Uładzimira Pucina, Si Czińpina i Kim Čen Yna ŭ tym, što jany vyrašyli zładzić zmovu za jaho śpinoj.
«Ja chaču skazać, što nijakich zmoŭ nichto nie rabiŭ, nichto ničoha «nie ploŭ», bolš za toje, u dumkach navat hetaha ni ŭ kaho nie było, ni ŭ kaho z hetych troch lidaraŭ», — skazaŭ Ušakoŭ žurnalistu kriemloŭskaha pułu Paŭłu Zarubinu.
Pa słovach pradstaŭnika Kramla, u Maskvie, Piekinie i Pchieńjanie «usio razumiejuć», jakuju rolu hrajuć ZŠA, administracyja Biełaha doma i asabista prezident Donald Tramp «u sučasnych mižnarodnych raskładach». Pry hetym Ušakoŭ vykazaŭ nadzieju, što Tramp «nie bieź ironii» zhadaŭ pra «zmovu».
Donald Tramp, kamientujučy vajenny parad u Piekinie, napisaŭ: «Hałoŭnaje pytańnie, na jakoje treba adkazać, zaklučajecca ŭ tym, ci zhadaje staršynia KNR Si pra tuju vielizarnuju padtrymku i «kroŭ», jakuju ZŠA akazali Kitaju, kab dapamahčy jamu zdabyć SVABODU ad nadzvyčaj varožaha zamiežnaha zachopnika. Mnohija amierykancy zahinuli ŭ baraćbie Kitaja za pieramohu i słavu».
Jon taksama pažadaŭ lidaru KNR i kitajskamu narodu pravieści «cudoŭnaje śviata», ale dadaŭ: «Kali łaska, pieradajcie maje samyja ciopłyja pažadańni Uładzimiru Pucinu i Kimu Čen Ynu, pakul vy płanujecie zmovu suprać Złučanych Štataŭ Amieryki», — dadaŭ Tramp.
U Piekinie prajšoŭ maštabny vajskovy parad. Lidar KNR zajaviŭ, što Kitaj nie spynić
Kim Čen Yn zaprasiŭ Łukašenku ŭ KNDR. U Biełaruś moža pryjechać Robiert Fica
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika
Pucin i Alijeŭ sustrelisia ŭ Kitai, ale sustreča była chałodnaj
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks15
Kamientary