Pierad paradam u Piekinie, pryśviečanym zakančeńniu Druhoj suśvietnaj vajny, prezidenty Rasii i Azierbajdžana — Uładzimir Pucin i Ilcham Alijeŭ — sutyknulisia ŭ kułuarach. Tvar Alijeva paśla pocisku ich ruk źmianiŭsia.
Na videa vidać, jak Pucin imkliva padyšoŭ da Alijeva, jany koratka pacisnuli adzin adnamu ruki. Tvar Alijeva, jaki pierad hetym śmiajaŭsia, źmianiŭsia. Razmovy pamiž imi, jak vynikaje ź videa, nie adbyłosia.
Taksama Pucin pavitaŭ žonku azierbajdžanskaha lidara Miechryban.
Takija pavodziny kantrastavali z tym, jak Alijeŭ pierad Pucinym pavitaŭsia z prezidentam Uźbiekistana Šaŭkatam Mirzijojevym — jany abnialisia, abmianialisia replikami.
Pierad pajezdkaj u Kitaj pres-sakratar rasijskaha prezidenta Dźmitryj Piaskoŭ zajaŭlaŭ, što ŭ Kramli «spadziajucca, što ŭsio ž taki jany zmohuć zaŭtra na palach pasiadžeńnia ŠAS pierasiekčysia». Ale kadraŭ ich razmovy tak i nie było.
Takim čynam, kułuarny kantakt pierad paradam, vierahodna, staŭ pieršaj sustrečaj Pucina i Alijeva z kastryčnika minułaha hoda, piša «Ahientstvo».
Na fonie napružanaści pamiž dźviuma krainami, vyklikanaj katastrofaj azierbajdžanskaha pasažyrskaha samalota, źbitaha rasijskaj SPA, i zabojstvam z katavańniami dvuch azierbajdžancaŭ u Jekaciarynburhu, Kreml praciahvaŭ demanstravać nibyta zachavańnie narmalnych stasunkaŭ z Azierbajdžanam. Kadry z Kitaja śviedčać trochi pra inšaje.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki19
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru2
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary