Žycharoŭ Hrodna papiaredzili pra spynieńnie cecha amijak-3 na «Hrodna Azot», piša Tochka.by.
Heta adbyłosia 3 vieraśnia kala 13:35 z-za spynieńnia padačy pavietra na stadyju ryforminhu cecha. Jak zapeŭnili pradstaŭniki pramysłovaha hihanta, padstaŭ i pryčyny dla niepakoju ŭ žycharoŭ horada niama.
«Usie sistemy, adkaznyja za spynieńnie cecha, adpracavali ŭ štatnym režymie», — havorycca ŭ paviedamleńni.
Pusk cecha amijak-3 praviaduć ciaham sutak. Na ranicu 4 vieraśnia nijakich paviedamleńniaŭ pra paśpiachovaje adnaŭleńnie pracy nie pastupała. Kali mierapryjemstvy prypaduć na načny čas, budzie bačna połymia fakielnaj ustanoŭki.
Raniej, 29 žniŭnia, u kacielnym cechu filijała «Zavod Chimvałakno» pry raspalvańni harełki paravoha katła adbyłasia avaryja. Traŭmy atrymali dva rabotniki, jakich dastavili ŭ miedustanovu.
Pradpryjemstva praciahnuła pracu ŭ štatnym režymie, technałahičnyja pracesy nie byli parušanyja. Pahrozy horadu i jaho žycharam nie ŭźnikała.
Ciapier čytajuć
«Vitold kazaŭ: «Nu što vy, što vy…» A mianty paśla kryčali pra mora kryvi». Palitviazień z susiedniaj kamiery raskazaŭ pra śmierć Ašurka1
Kamientary