U kramie haradžanka znajšła jabłyki ź Italii, Čyli i Paŭdniova-Afrykanskaj Respubliki.
Žycharka Bresta ŭraziłasia cenami na jabłyki ŭ kramie. Jana pabyvała ŭ hipiermarkiecie «Hryn». Tam pradavalisia jabłyki za 10,99 rubla za kiłahram, pryviezienyja z Paŭdniova-Afrykanskaj Respubliki, pa 10,88 rubla za kiło z Čyli. Jašče adny byli pa 11,99 rubla — ź Italii.
«Ludzi, vy što, zvarjaciełyja? Heta jak — jabłyk za 12 rubloŭ?» — niedaŭmiavaje žančyna. Videa z kramy jana vykłała ŭ tyktoku.
Dysanans asabliva vyklikaŭ nadpis na ceńniku «sacyjalna značny tavar».
Na Kamaroŭskim rynku jabłyki pradajuć pa canie ad 2 da 10 rubloŭ za kiłahram, u «Je-dastaŭcy» možna kupić pa 5,5—7,9 rubla za kiło (aproč miascovych, heta jabłyki z Polščy, Rasii, Azierbajdžana, Čyli).
Z 1 vieraśnia ŭ Biełarusi dziejničaje časovaje abmiežavańnie na vyvaz jabłykaŭ za miažu. Miery ŭvodziacca na paŭhoda. Pastaŭlać jabłyki na ekspart mohuć tolki tyja, chto atrymaje śpiecyjalnyja licenzii.
Były vykładčyk Iniaza pierajšoŭ na biełaruskuju ŭ emihracyi. Jon razvažaje pra los univiersiteta, biełarusaŭ za miažoj i adroźnieńnie nas ad palakaŭ4
Kamientary