Žychary starych panelnych šmatpaviarchovikaŭ i chruščovak, jakija nie prajšli kapitalny ramont, užo bolš za tydzień skardzilisia na choład.
Uładalniki «kvadratnych mietraŭ» u novabudoŭlach pieražyvajuć źmienu siezonaŭ praściej: maksimum pieraviali vokny ŭ «zimovy» režym. Ale siońnia ŭsich minčan abjadnoŭvaje ahulnaja radaść: u asobnyja damy ŭžo pačało pastupać ciapło, piša Onliner.by.
Pra toje, što batarei bolš nie ledzianyja, u redakcyju paviedamiła Taćciana. Dziaŭčyna žyvie ŭ stalincy na vulicy Strałkovaj i, uvohule, pakul asabliva nie skardziłasia na choład. Tolki ŭ spalni dziciaci na noč na ŭsialaki vypadak uklučała abahravalnik.
— Niedzie tydzień tamu batarei pačali žurčać — vidać, tady sistemu praviarali. A siońnia, ničoha nie čakajučy, padyšła da batarei i adčuła, što ad radyjataraŭ idzie ciapło. Dakranułasia, a jany sapraŭdy ciopłyja. Viadoma, nie haračyja, jak u razhar zimy, ale ŭžo niešta, — radujecca minčanka.
Žycharoŭ «Minsk-Śvieta» siońnia taksama papiaredzili: spyniajcie ramontnyja raboty na sistemie aciapleńnia, viartajcie batarei na miesca abo ŭstanaŭlivajcie zahłuški.
«U ciapierašni čas supracoŭnikami kirujučaj arhanizacyi pravodziacca raboty pa napaŭnieńni i zapusku sistemy aciapleńnia ŭ žyłych damach kompleksu. Nahadvajem, što zapusk sistemy aciapleńnia ŭ žyłym fondzie Minska pravodzicca paśla pryniaćcia rašeńnia Minharvykankama na praciahu 5 rabočych dzion ad ukazanaj u rašeńni daty», — udakładniajuć u «Chepi Płaniet».
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe19
Kamientary