Ministerstva ŭnutranych spraŭ RF uklučyła Ilju Jašyna ŭ pieralik asob, jakim zabaronieny ŭjezd u krainu. Kab zabarona pracavała, jaho pazbavili hramadzianstva.
Pra zabaronu stała viadoma z vypiski z bazy MUS RF, jakuju Jašyn apublikavaŭ u telehram-kanale. U dakumiencie paznačana, što pastanova pryniataja «ŭ metach zabieśpiačeńnia abaranazdolnaści abo biaśpieki dziaržavy». Zhodna z rasijskim zakanadaŭstvam, takaja zabarona moža być nakładziena tolki na zamiežnych hramadzian abo asob biez hramadzianstva, pakolki hramadzianinu Rasii nie moža być abmiežavana prava na viartańnie ŭ krainu.
U daviedcy, apublikavanaj Jašynym, nasuprać hrafy «Hramadzianstva» paznačana «ŁBH» — asoba biez hramadzianstva.
Jak kaža Jašyn, daviedka aznačaje pazbaŭleńnie jaho rasijskaha hramadzianstva, atrymanaha pry naradžeńni. Jon spasłaŭsia na artykuł 6 Kanstytucyi Rasii, u jakim zamacavana, što hramadzianin Rasijskaj Fiederacyi nie moža być pazbaŭleny svajho hramadzianstva.
Palityk zajaviŭ, što vyśvietlić, chto i jakim čynam pryniaŭ takoje rašeńnie, i jak jano suadnosicca z kanstytucyjnymi normami.
U śniežni 2022 hoda rasijski sud za nibyta dyskredytacyju rasijskaj armii pryhavaryŭ Jašyna da 8 hadoŭ i 6 miesiacaŭ kałonii ahulnaha režymu. 1 žniŭnia 2024 hoda palityk byŭ adpuščany na volu ŭ ramkach abmienu źniavolenymi pamiž Rasijaj i Zachadam.
Kamientary
Družno ljut vodu na odnu mielnicu, kriča o "chorošich russkich".