U centry Minska pradajecca kvatera-muziej. Tam antykvarnaja mebla i vialikija pakoi
Vystavili na prodaž prastornuju čatyrochpakajovuju kvateru ŭ stalincy na vulicy Vaładarskaha ŭ centry Minska, piša Realt.by. U abjavie hetaje žyllo nazyvajuć kvateraj-muziejem, i hetamu jość abhruntavańnie. Pa-pieršaje, prastora — amal 100 kvadrataŭ płoščy pry trochmietrovych stolach. A pa-druhoje, detali. Tut antykvarnaja mebla i dekor, u jakim zachoŭvajecca historyja.
Dom — čatyrochpaviarchovaja stalinka na Vaładarskaha, 18, pabudavanaja z čyrvonaj paŭnaciełaj cehły ŭ 1953 hodzie. Kali vy ź Minska, to napeŭna kali-niebudź špacyravali pobač z hetym domam. U domie zakryty zialony dvor z parkoŭkaj tolki dla žycharoŭ i biez skraznoha trafiku. U padjeździe ŭsiaho 6 kvater — pa dźvie na paviersie.
Kali stajać tvaram da doma, sprava budzie krama «Hłobus». Idučy ŭniz pa vulicy, praź niekalki damoŭ budzie vulica Kirava i stadyjon «Dynama», a praz paru damoŭ uvierch — praśpiekt Niezaležnaści.
Kvatera, vystaŭlenaja na prodaž, znachodzicca na pieradapošnim paviersie — treci z čatyroch, a kali ličyć žyłyja, to atrymlivajecca druhi. Na pieršym paviersie ŭ domie kamiercyjnyja pamiaškańni.
Ahulnaja płošča hetaj kvatery — 96 kvadratnych mietraŭ. Na žyły mietraž prypadaje 66 kvadrataŭ. Płošča pakojaŭ ad 14 da 20 kvadrataŭ i kuchnia — 14 kvadratnych mietraŭ. Kalidor taksama niemaleńki — 11 kvadrataŭ. Voś płaniroŭka.
Pradaviec kaža, što kožnaja detal tut maje svaju historyju. Naprykład, u haścioŭni staić vintažny padłohavy taršer u styli Halivud Redžensi. Jaho stojka i asnova vykananyja z naturalnaha oniksu piaščotna-zialonaha adcieńnia z vyraznym pryrodnym malunkam vien. Mietaličnyja detali — mastackaja łatuń z pacinaj.
U haścioŭni jość vychad na adkryty bałkon ź vidam na vulicu Vaładarskaha.
Z antykvarnaj mebli ŭ inšych pakojach — kansolny stolik z Francyi z marmurovaj stalnicaj zialonaha adcieńnia i raznym dubovym padstollem ručnoj pracy. U spalni — parny kamplekt pryłožkavych tumbaŭ i lusterka ŭ styli ampir časoŭ Napaleona I.
Taksama vintažnyja łatunnyja siervirovačnyja stoliki kanca XIX stahodździa z ažurnymi borcikami. Akramia taho, kłasičnyja kresły i fateli z masivu duba ŭ styli ampir z bronzavymi nakaniečnikami ŭ vyhladzie lvinych łap i abiŭkaj ź ciomnaha aksamitu.
Na kuchni z techniki jość duchavaja šafa, hazavaja varačnaja panel, vyciažka, chaładzilnik i mikrachvalevaja piečka.
U sumieščanym sanvuźle ŭstanoŭlenaja vanna i padklučanaja pralnaja mašyna.
Kaštuje takaja kvatera 1 019 661 rubiel. Kvadrat vychodzić 10 666 rubloŭ.
Albo, kali pieravodzić u zamiežnuju valutu — 337 tysiač dalaraŭ i 3 525 dalaraŭ za kvadrat pa kursie NB RB na 29 vieraśnia 2026 hoda.
«Z vadoj lacieła kamieńnie. Usie padłohi zatapiła». Jak vyhladaje kvatera na Žukoŭskaha, u jakoj vadoj vybiła vokny VIDEA
U «Minsk-Śviecie» zdajecca ŭ arendu kvatera z vannaj pasiarod pakoja
Ceny na kvatery ŭ «Minsk-Śviecie» padajuć, a ŭ Minsku — rastuć. Sumnyja pierśpiektyvy dla rajona?
U Breście pradajuć maleniečkuju adnapakajoŭku, dzie paśla zastanucca žyć maci i dačka. U čym prykoł?
Kamientary