Try čverci ŭkraincaŭ zhodnyja zamarozić kanflikt pa ciapierašniaj linii frontu
Try čverci ŭkraincaŭ zhodnyja zamarozić kanflikt pa ciapierašniaj linii frontu, ale mała chto vieryć, što vajna skončycca ŭ hetym hodzie — takija vyniki apytańnia, apublikavanyja ŭ aŭtorak Kijeŭskim mižnarodnym instytutam sacyjałohii (KMIS), piša Bi-bi-si.
KMIS vyśvietliŭ u chodzie apytańnia, što 74% žycharoŭ Ukrainy hatovyja padtrymać jeŭrapiejska-ŭkrainski mirny płan («choć i biez entuzijazmu», jak adznačana ŭ pres-relizie), jaki ŭklučaje zamarozku pa ciapierašniaj linii frontu bieź jurydyčnaha pryznańnia zachoplenych terytoryj Rasijaj i pry dadzienych Ukrainie harantyjach biaśpieki.
Pry hetym bolšaść — 56% — miarkujuć, što Rasija ŭsio roŭna pasprabuje znoŭ napaści na Ukrainu.
76% apytanych ličać, što navat kali ZŠA spyniać dapamahać Ukrainie, supraciŭlacca rasijskaj ahresii ŭsio roŭna treba budzie praciahvać — z dapamohaj Jeŭropy. Tyja ž 76% vierać, što kali b Ukraina atrymała dastatkova zbroi i hrošaj, a sajuźniki efiektyŭna nacisnuli b na Rasiju sankcyjami, to Ukraina mahła b pieramahčy.
U toje, što mir nastanie ŭžo ŭ hetym hodzie, vierać usiaho 18% apytanych.
62% hatovyja ciarpieć vajnu stolki, kolki spatrebicca.
54% z tych, chto ciapier nie słužyć u Siłach abarony Ukrainy, kažuć, što hatovyja pajści słužyć i sa zbrojaj u rukach abaraniać krainu (siarod mužčyn takich 63%).
60‑hadovaja pjanaja biełaruska pieratvaryła palot z Paryža ŭ Vilniu ŭ kašmar3
Kamientary