Na žałobnaj cyrymonii, jakaja prajšła na stadyjonie ŭ horadzie Hlendejł u štacie Aryzona, sabralisia amal usie členy amierykanskaj administracyi.
Tramp nazvaŭ zabitaha aktyvista Kirka «hihantam svajho pakaleńnia», piša Bi-bi-si.
«Siońnia Amieryka znachodzicca ŭ stanie žałoby, šoku i smutku», — zajaviŭ amierykanski lidar na panichidzie pa kansiervatyŭnym aktyviście Čarli Kirku, zastrelenym 10 vieraśnia.
Pavodle słoŭ Trampa, Kirk byŭ «pa-źviersku zabity radykalizavanym chaładnakroŭnym monstram», bo zmahaŭsia za svabodu i spraviadlivaść. «Nichto z nas nikoli nie zabudzie Čarli Kirka, i historyja jaho taksama nie zabudzie», — dadaŭ Tramp.
Na žałobnaj cyrymonii, jakaja prajšła na stadyjonie ŭ horadzie Hlendejł u štacie Aryzona, sabralisia amal usie členy amierykanskaj administracyi, u tym liku vice-prezident Džej Dzi Vens, dziaržsakratar Marka Rubia i kiraŭnik Pientahona Pit Chehsiet.
U prezidenckaj łožy razam z Trampam byŭ taksama zaŭvažany miljarder Iłan Mask. Na kadrach tranślacyi było vidać, jak jon pra niešta havoryć z Trampam, paśla čaho jany paciskajuć adzin adnamu ruki, i Mask sychodzić.
Na mierapryjemstvie taksama vystupiła z pramovaj udava aktyvista Eryka Kirk. Jana skazała, što daruje zabojcu muža.
«Ja daruju jamu, tamu što tak zrabiŭ Chrystos. Adkaz na nianaviść — nie nianaviść», — zajaviła žančyna.
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu7
Kamientary