Siońnia ŭ vioscy Ručyca Vilejskaha rajona adkryjecca adna z adnoŭlenych kaplic siadziby «Hanuta». Ale śpiecyjalisty adznačajuć, što adnaŭleńnie vielmi hrubaje i skažaje histaryčny vyhlad pomnika baroka.
Abjekt adnaŭlała Respublikanskaje hramadskaje abjadnańnie restaŭrataraŭ pa prajekcie «Biełžyłprajekta» da 260‑hodździa z dnia naradžeńnia Michała Kleafasa Ahinskaha.
Dźvie baročnyja kaplicy na terytoryi siadziby Ahinskich «Hanuta», jakija kaliści źmiaščali skulptury śviatych pad svaimi baročnymi kupałami, jak i inšyja zbudavańni siadziby, byli ŭźviedzienyja jašče ŭ 1765 hodzie italjanskim architektaram Abrachamam Hienu, jaki taksama stvaryŭ Lavonpalskuju siadzibu.
Ad byłoj siadziby Ahinskich amal ničoha nie zastałosia, niama skulptur u kaplicach, a sami jany trapili ŭ avaryjny stan. Miascovyja aktyvisty daremna papiaredžvali pra niebiaśpieku razbureńnia — čynoŭniki nie reahavali. Tolki paśla taho, jak u kastryčniku 2020 hoda adna z kaplic abvaliłasia, ułady źviarnuli ŭvahu na prablemu.
Ale adnaŭleńnie pačałosia tolki ŭ 2024 hodzie za srodki Respublikanskaha hramadskaha abjadnańnia restaŭrataraŭ. Pakul adnavili tolki lepš zachavanuju kaplicu. Praŭda, vynik adroźnivajecca nie tolki ad histaryčnych vyjaŭ, ale i ad prajekta.
Teleham-kanał «Spadčyna» źviarnuŭ uvahu na toje, što dla aficyjnaha pomnika architektury detaliroŭka zroblena vielmi hruba i nie adpaviadaje pryncypam navukovaj restaŭracyi.
Aŭtary kanała asabliva krytykujuć formu baročnaha šlema, jakaja istotna adroźnivajecca ad histaryčnaj: źmianilisia praporcyi, źnikła charakternaja pukataść, źjavilisia elemienty, jakich nikoli nie było, ale źnikli tyja, što musili być.
Krytyka datyčyć i karnizaŭ: zamiest składanych ordarnych profilaŭ zrabili niekalki hrubych «prystupak», jakija nie paŭtarajuć vystupy vuhłavych pilastraŭ, jak heta pryniata ŭ baroka.
Pry hetym zachavalisia nie tolki histaryčnyja zdymki, ale i druhaja, identyčnaja kaplica, na jakuju možna było b aryjentavacca pry adnaŭleńni, ale hetaj mahčymaściu nie skarystalisia.
Padobnyja prablemy ŭžo ŭźnikali na inšych kaplicach, jakija nie mieli achoŭnaha statusu, adnak u vypadku z «Hanutaju» havorka idzie pra historyka-kulturnuju kaštoŭnaść.
Aŭtary kanała adznačajuć, što chacia adnoŭlenaja kaplica ciapier nie razvalicca, niajakasnaja restaŭracyja horšaja za ščyruju ruinu, bo biełaruskaj praktycy nieviadomyja vypadki, kali b niaŭdałyja adnaŭleńni vypraŭlalisia paźniej.
U siadzibie Ahinskich adnaŭlajuć dźvie baročnyja kaplicy
Architektar nazvaŭ toje, što zrabili ŭ Niaśvižy, «karnym uparadkavańniem»
«Usio — chłuśnia i manipulacyi». Śpiecyjalisty rezka adkazali na isteryju vakoł rekanstrukcyi Čyrvonaha kaścioła
Rekanstrukcyja Lubčanskaha zamka aktyvizavałasia, a ŭvachod u jaho zrabili płatnym
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra9
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary